Galerida cristata

Galerida cristata capelluda
Estáu de caltenimientu
Esmolición menor (IUCN 3.1)[1]
Clasificación científica
Reinu:	Animalia
Filu:	Chordata
Clas:	Aves
Orde:	Passeriformes
Familia:	Alaudidae
Xéneru:	Galerida
Especie:	G. cristata (Linnaeus, 1758)
Distribución
Consultes
[editar datos en Wikidata]

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu. La capelluda^[2] (Galerida cristata) ye una especie d'ave de la familia Alaudidae de 17,5 cm de llargor y 34 cm de valumbu. Ye n' ave non migratoria que se distribúi por Europa y el norte d'África.

Nun presenta dimorfismu sexual. El plumaxe ye leonau na parte cimera y blancuciu na inferior. Tien una cresta na cerviz llarga y apuntiada, qu'alza o baxa cuando ta en reposu. El picu ye más llargu que'l de la calandria y esta llixeramente curváu escontra baxo. Aliméntase de granes, y, mientres la primavera y el branu d'inseutos que prinda na tierra. Emite un cantar curtio y monótono.

Habita en terrenes abiertos desérticos o pocu cultivaos y terrenes arenosos. Ye más numberosa hasta los 500 metros y más rara percima de los 1.200 metros. Trátase d'una especie común y en regresión.^[3]

A principios d'abril pon ente 3 y 6 güevos bien enllordiaos d'escuru que eclosionen tres 13 díes. Les críes abandonen el nial cuando trescurrieron 10 díes y vuelen a los 20 díes. Esta ave efectúa dos puestes añales.

• Wikimedia Commons acueye conteníu multimedia sobre Galerida cristata.

Wikispecies tien un artículu sobre Galerida cristata.