Monte Camerún
| Monte Camerún | |
|---|---|
| monte y volcán | |
 | |
| Situación | |
| País |  Camerún |
| Rexón | Rexón del Suroeste |
Departamentos (es)  | Fako (es) |
| Cordal | Cordal de Camerún |
| Coordenaes | 4°13′00″N 9°10′21″E / 4.2167°N 9.1725°E |
  Monte Camerún Monte Camerún (Camerún) | |
| Datos | |
| Altitú | 4095 m |
| Prominencia | 3901 m[1] |
| Materiales | basaltu |
| Fechos importantes | |
| Primer ascensu | 1861 - |
 | |
El monte Camerún, conocíu tamién como monte Fako —el nome del más eleváu de los sos dos picos— o nuna llingua nativa, Mongo ma Ndemi (Monte de la Grandiosidá) ye un volcán activu del Camerún, cerca del golfu de Guinea. Forma parte del área de vulcanismu conocida como Cordal de Camerún, qu'inclúi'l llagu Nyos, escenariu de la traxedia del Llagu Nyos de 1986. Les erupciones más recién del monte Camerún asocedieron el 28 de marzu de 1999 y el 28 de mayu de 2000.
El monte Camerún ye unu de los volcanes más altos d'África, con una altitú de 4.095 metros sobre'l nivel del mar (msnm), cerca de la mariña occidental del Camerún. Empieza na mariña, cubiertu por una selva tropical y a midida que xúbese na altitú, el clima vuélvese más fríu, cada vez más airosu y dacuando ye posible reparar que'l so cumal ta cubierta por nieve, entá cuando ta mui cerca del Ecuador.
Les capes dominantes del volcán tán constituyíes polos restos de masives erupciones que la so llava convertir en basaltu, la roca dominante del conu volcánicu. Este remaneció sobre un basamento de roques metamórfiques precambrianes que fueron cubiertes poles erupciones mientres los periodos Cretaceu y el Cuaternariu. Más de cien pequeños conos de ceniza, casi siempres fisuras paraleles a la exa axial del volcán de 1400 km³ de volume, ábrense pasu nos lladrales del edificiu y na baxa redoma.
Añalmente celébrase la carrera del monte Camerún na que los participantes xuben el picu en 4 hores y media.
La esploradora inglesa Mary Kingsley, una de los primeres europees n'esguilar el monte, cuenta s'espedición nes sos memories Travels in West Africa (1897).
Altor
[editar | editar la fonte]Anque l'altor de 4.095 msnm ye la sofitada pola mayoría d'autoridaes, tamién se calculó un altor de 4.070 m, y les pruebes realizaes vía GPS y pola Misión topográfica Radar Shuttle suxeren que podría tener solo 4.040 metros. El cálculu del altor ye complicáu por cuenta de la actividá volcánica.
Ver tamién
[editar | editar la fonte]Referencies
[editar | editar la fonte]- ↑ URL de la referencia: https://fr-be.topographic-map.com/map-lm814s/Mont-Cameroun/.
Enllaces esternos
[editar | editar la fonte]Wikimedia Commons acueye conteníu multimedia sobre Monte Camerún.
- Programa Global de Vulcanismu nel Camerún (n'inglés)
Datos: Q190562