Crocodylidae

Crocodylidae
Crocodylus porosus.
Denominacions populars
crocodilidos
Rechistro fósil	Dende l'Eoceno
Clasificación cientifica
Dominio:	Eukaryota
Reino:	Animalia
Filo:	Chordata
Superclase:	Tetrapoda
Clase:	Sauropsida
Orden:	Crocodylia
Familia:	Crocodylidae
Descripción
Crocodylidae Cuvier, 1807
Distribución cheografica
Distribución

Os crocodilidos (en nomenclatura cientifica Crocodylidae, en latín) son una familia de sauropsidos («reptils») arcosauros adentro d'a orden Crocodylia. Contiene os animals que se diz popularment en aragonés crocodilos^[1]^[2], corcorels^[1] u cocodrilos.^[3]

En a familia i hai cuatro cheneros vivos en l'actualidat: Crocodylus, Mecistops, Osteolaemus y Tomistoma.

Son animals semi-acuaticos, poiquilotermos y depredadors que cazan dende l'augua de ríos y lagos y, anque pueden alimentar-se tamién d'atros animals acuaticos, a estratechia d'ataque les fa mas efectivos contra os animals terrestres (p. ex. cuan s'amorran en a orilla pa beber). Anque son de sangre fría, pueden mover-se a escape en l'augua gracias a movimientos vigorosos laterals de coda. En tierra son lentos pero pueden fer esfuerzos explosivos de curta duración.

Habitan en as rechions tropicals y subtropicals d'Africa, America, Asia y Oceanía. Belunas d'as especies causan cada anyo victimas humanas en os países an viven, como Crocodylus niloticus y C. porosus.

Referencias

↑ ^1,0 ^1,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
↑ (es) Mascaray Sin, Bienvenido: Vocabulario del habla de Campo (Ribagorza, Huesca). Xordica Editorial, 2014. p 124
↑ (an) Chusé Lera Alsina Aplego. Diccionario de Resistencia y Gramática sobre lo cheso. Massanas gràfiques. 2004.