Lahn
| Lahn | ||||||||||||||
|---|---|---|---|---|---|---|---|---|---|---|---|---|---|---|
 Lahn | ||||||||||||||
| Tedoklassifikacii | ||||||||||||||
|
||||||||||||||
| Latinankel'ne nimi | ||||||||||||||
| Abramis brama (Linnaeus, 1758) | ||||||||||||||
|
Lahn (latin.: Abramis brama) om reskveden kala. Se om Lahnad-heimon üks'jäine erik (ende mülütihe heimho 16 erikhosai).
Nored lahnad — lahnalituižed (paginoiš mugažo lipakod i litikod), ned oma hobedakahad mujul.
Leviganduz
[vajehta | vajehtada lähtetekst]Eläb Evropan venon vönen i Sibirin jogiš, järviš, uitoiš, Azovmeren i Kaspijan meren solan polhe veziš.
Lahnad navettäs süvid sijid kazmusiden äjüdenke, tal'vdudas niiš-žo.
Ümbrikirjutand
[vajehta | vajehtada lähtetekst]Pä om pen', hibj om järed. Su lopiše penel peitol'žel torvudel. Kerusen hambhad kazdas ühtel rivel, vizin (viž) kaikuččes polespäi. Hibjan korktuz sase hibjan pidusen koumandeshesai. Noren lahnan erineden sen hobedakahanke mujunke, täuz'kaznu lahn om hahkanke vai koričmanke sel'ganke, hänen kül'ged oma kuldakahaiž-koričmad, pök om pakuižen polhe, kaik suugad oma hahkad muzanke röunanke paksus.
Varukaz kala i el'gendab hüvin. Lahnad pidadas joukuil, sötlesoiš bentosal (pohjan kazmusil, gaved'madoil i edenoil) da šoll'oil. Ujui jouk jäb södud «ted», voib nähta sidä erigoittud sogazan mödhe vezišton pindal.
Lahn voib eläda 23-voččehe igähäsai. Kala voib kazda 6 kilohosai jügutte, 82 sm:hasai pitte.
Kävutand
[vajehta | vajehtada lähtetekst]Lahn om kalanpüdandan objekt, mäneb söndtavaraks. Vl 1999 mail'man vozne saliž oli 62,9 tuhad tonnoid, läz pol't pütihe Venämas.
Lahnha sidodud vepsän ozoitez
[vajehta | vajehtada lähtetekst]
- Penes järvudes lahnad vätas. (kürzad rehtläl)