Karbamazepin

Artikel ieu masihan informasi dasar dina bidang kesehatan. Informasi dina artikel ieu ngan meunang digunakeun kanggo informasi ilmiah, teu bisa ngaganti diagnosis medis. Perhatosan: Wikipédia lain dokter, sagala informasi anu aya dina ieu énsiklopédi dumasar rujukan anu aya. Saupama anjeun aya keluhan, konsultasikeun jeung tenaga kaséhatan langsung

Karbamazepin

Data klinis
Nama dagang	Tegretol, Temporol, Neurotol, others
AHFS/Drugs.com	Citakan:Drugs.com
MedlinePlus	a682237
License data	US DailyMed: Carbamazepine
Kategori kehamilan	AU: D US: D (Aya bukti positif boga résiko)
Jalur pemberian	Ngaliwatan baham
Kelas ubar	Anticonvulsant
Kode ATC	N03AF01 (WHO)
Legal status
Legal status	AU: S4 (Husus nu miboga resép) CA: ℞-only UK: POM (Husus nu miboga resép) US: ℞-only
Pharmacokinetic data
Bioavailabilitas	~100%
Ikatan protein	70-80%
Métabolismeu	Hepatic—by CYP3A4, pikeun ngaktifkeun epoxide bentuk (carbamazepine-10,11 epoxide)
Eliminasi waktu-paruh	36 jam (dosis tunggal), 16-24 jam (dosis nu diulang)
Eksresi	Urin (72%), fésés (28%)
Identifiers
Nama IUPAC 5H-dibenzo[b,f]azepine-5-carboxamide
Nomor CAS	298-46-4 Y Citakan:CAS
PubChem CID	2554
IUPHAR/BPS	5339
DrugBank	DB00564 Y
ChemSpider	2457 Y
UNII	33CM23913M
KEGG	D00252 Y
ChEBI	CHEBI:3387 Y
ChEMBL	ChEMBL108 Y
ECHA InfoCard	100.005.512
Chemical and physical data
Rumus	C15H12N2O
Massa molar	236.269 g/mol g·mol−1
3D model (JSmol)	Interactive image
SMILES c1ccc2c(c1)C=Cc3ccccc3N2C(=O)N
InChI InChI=1S/C15H12N2O/c16-15(18)17-13-7-3-1-5-11(13)9-10-12-6-2-4-8-14(12)17/h1-10H,(H2,16,18) Y Key:FFGPTBGBLSHEPO-UHFFFAOYSA-N Y
(verify)

Karbamazepin atawa nu dipiwanoh salaku Tegretol nyaéta ubar antikolvusan jeung ubar analgesik nu dipaké pikeun ngungkulan kejang^[1] jeung ngubaran nyeri nu diakibatkeun ku gangguan saraf neuralgia trigeminal.^[2][3] Munggaran disatujuan ku FDA dina taun 1955.^[1][4]

Karbamazepin nyaéta ubar antikonvulsan nu miboga kagunaan pikeun ngungkulan sababaraha jinis panyakit kayaning kejang atawa épilépsi, nyeri kusabab neuralgia trigeminal, sarta biasa dipake pikeun ngendalikeun gejala bipolar.^{[3][5] [6]} Karbamazepin téh antikolvusan munggaran nu dipaké pikeun ngungkulan jalma nu miboga gejala bipolar.^[1][4]

Karbamazepin gawé kucara ngastabilkeun aliran impuls saraf,^[3]ngurangan panyebaran aktivitas kejang di otak sarta mulihkeun sacara normal aktivitas saraf.^[7]

Karbamazepin jadi ubar lini kahiji pikeun ngubaran épilépsi. Karbamazepin gawé kucara ngablokir asupna ion Natrium (Na+) kana voltage-gated sodium channel atawa biasa disebut sodium channel blockers. Ilaharna, kaayaan intrasél téh sifatna negatif (-) sedengkan kaayaan extrasel sifatna positif (+), asupna ion Na+ nyababkeun intrasel jadi sifat positif (+) jeung nyababkeun sél aktif, kajadian ieu biasa disebut ku depolarisasi. Nu tuluy sél bakal istirahat kucara aksi repolarisasi. Panghambatan dicokotna Na+ ku karbamazepin nyegah lumangsungna depolarisasinu tuluy aktivitas listrik dina saraf otak bisa kakontrol.^[5]

Cara maké karbamazepin ieu kudu saluyu jeung anjuran dokter atawa apotéker. Konsumsi karbamazepin ieu sacara taratur, diwanci nu saru unggal poéna.^[2] Pikeun nginum ubar ieu alusna mah diinum babarengan jeung kadaharan séjénna pikeun ngurangan résiko sebel jeung utah, teureuy tablét atawa kapsul, ulah dibubukkeun, atawa digayem.^[3] Sadengkeun tablét nu digayem, kudu digayem heula saméméh diteureuy. Kocok suspensi oral (cairan) saacan anjeun ngukur dosis, paké takeran nu geus disadiakeun, boh séndok ukur atawa pipét. isa jadi ubar ieu bakal karasa éfékna dina opat minggu saacan gejala ngurangan. Tuluykeun nginum ubar ieu saluyu jeung patunjuk dokter, ulah ngaeureunkeun nginum ubar ieu mun lain paréntah dokter, dieureunkeunna ngonsumsi ubar ieu bisa nyababkeun ningkatna kejang. ^[2][4]

Karbamazepin sabagéan gedé dmétabolisme dihati besar dimetabolisme dihaté. Énzim haté CYP3A4 nyaéta énzim utama nu ngamétabolisme karbamazepin jadi metabolit aktifna, karbamazepin-10,11-epoksida, nu tuluy dimétabolisme jadi bentuk trans-diol ku énzim epoksida hidrolase. Énzim sitokrom haté lianna nu miboga kontribusi dina métabolisme karbamazepin nyaéta CYP2C8, CYP3A5, jeung CYP2B6. Karbamazepin ogé ngalaman glukuronidasi hepatik ku énzim UGT2B7 jeung sababaraha réaksi métabolik lianna nu lumangsung, ngahasilkeun pambentukan métabolit hidroksi minor jeung metabolit kuinon. Alusna, karbamazepin ngainduksi métabolismena sorangan. paningkatan pambersihan, pangurangan waktu paruh, jeung pangurangan kadar serum karbamazepin.^[1]

Ieu di handap ngaran lian tina karbamazepin nyaéta:^[1]

• Carbamazepen
• Carbamazepin
• Carbamazepina
• Carbamazépine
• Carbamazepine
• Carbamazepinum
• CBZ

Ieu di handap sababaraha ngaran dagang karbamazepin:^[2][3]

• Tegretol,
• Carbamazepine,
• Bamgetol 200
• Carbatrol,
• Epitol,
• Equetro,
• Tegretol XR

• Anjeun teu meunang ngonsumsi karbamazepin mun miboga riwayat penekanan sumsum tulang, sarta miboga alérgi, atawa nginum antidéprésan kayaning amitriptilin, desipramine, doxepin, imipramine, atawa nortriptyline.^[2]
• Karbamazepin bisa nyababkeun réaksi fatal dina kulit, kayaning sindrom Stevens-Johnson jeung toxic epidermal necrolysis (TEN).^[3]
• Karbamazepin bisa nyababkeun anémia aplastik jeung agranulositosis. Résiko ieu ningkat ka pasén nu pernah nginum karbamazepin sarta ngalaman éfék samping mangrupa gangguan dina getih.^[3]
• Ngonsumsi karbamezapin bisa nyieun kulit pasén leuwih sénsitif kana cahaya panonpoé, ku kituna ulah poho maké krim anti panon paoé sarta pakéan nu nutupan awak mun iinditan. ^[2]
• Jéntrékeun ka dokter mun anjeun miboga panyakit konéng atawa hépatitis, panyakit jantung, panyakit ginjal, glaukoma, porfiria, sarta kadar natrium leutik.^[2][4]
• Jéntrékeun ka dokter mun anjeun keur ngajalanan pangobatan ku ubar antivirus.^[2]
• Ulah nyupiran atawa ngoprasikeun alat beurat mun keur nginum karbamazepin, kusabab ubar ieu nyababkeun tunduh.^[2]
• Ingkahan alkohol mun anjeun keur ngonsumsi ubar ieu.^[2]
• Lamun anjeun keur hamil, béré nyaho dokter, kusabab ubar ieu kaasup kana résiko kahamilan katégori D numutkeun US Food and Drugs Administration (FDA)^[2][3][4]
• Ulah maké karbamazepin mun anjeun geus maké inhibitor MAO dina waktu 14 poé terakhir. Interaksi ubar nu bahaya bisa lumangsung. Inhibitor MAO kaasup furazolidone, isocarboxazid, linezolid, phenelzine, rasagiline, selegiline, jeung tranylcypromine.^[2]

Ieu di handap sababraha interaksi karbamazepin jeung ubar séjén:

• Ningkatna kadar karbamazepin dina getih mun dipaké babarengan jeung cimetidine.^[8]
• Nurunna kadar karbamazepin dina getih mun diinum babarengna jeung cisplatin.^[9]
• Ngurangan éféktivitas aripiprazole jeung pél KB.^[3]
• Ningkatna résiko inféksi nu bahaya mun diinum jeung cladribine.^[10]
• Éfék racun tina karbamazepin bisa ningkat mun dipaké babarengan jeung lithium.^[11]
• Kusabab éfékna kana sistem saraf pusat, pamakéan buprenorfin babarengan jeung karbamazepin bisa nyababkeun éfék samping nu leuwih serius, kayaning gangguan rénghap, koma, atawa bisa jadi leungitna pati. Salian ti éta pamakéa karbamazepin ogé ngurangan kadar buprenorfin dina getih.^[12]
• Ningkatna résiko hiponatremia, mun dipake babarengan jeung diuretik.^[3]

Éfék samping mangrupa hiji éfék nu teu dipiharep tina ubar. Éfék samping ieu bisa mangrupa-rupa di sababaraha jalma gumantung kana kaayaan panyakit, umur, beurat awak, jinis kelamin, étnis, jeung sababaraha kaayaan kaséhatan lianna. Ieu di handap sababaraha éfék samping nu bisa karasa sanggeus nginum karbamazepin:^{[3][4][5][13]}

• Tunduh
• Ataksia
• Lieur
• Sebel, utah
• Biwir garing
• Gagal haté
• Sindrom Stevens-Johnson
• Serangan jantung
• Diaré
• Gangguan saré atawa insomnia
• Awak lalungsé
• Ruam sarta arateul dina kulit

• Éfék samping Karbamazepin
• Interaksi Karbamazepin

1. ↑ ^{a b c d e} "Carbamazepine". www.drugbank.ca. Diakses tanggal 2020-06-12. 
2. ↑ ^{a b c d e f g h i j k l} "Carbamazepine Uses, Dosage & Side Effects". Drugs.com. Diakses tanggal 2020-06-12. 
3. ↑ ^{a b c d e f g h i j k} "Carbamazepine". Alodokter. Diakses tanggal 2020-06-12. 
4. ↑ ^{a b c d e f} "Carbamazepine: MedlinePlus Drug Information". medlineplus.gov. Diakses tanggal 2020-06-13. 
5. ↑ ^{a b c} "Inovasi Rute Pemberian Karbamazepin untuk Kejang Epilepsi". Info Farmasi Terkini Berbasis Ilmiah dan Praktis (dalam id-ID). Diakses tanggal 2020-06-13.  CS1 maint: Unrecognized language (link)
6. ↑ "Tegretol, Equetro (carbamazepine) dosing, indications, interactions, adverse effects, and more". reference.medscape.com. Diakses tanggal 2020-06-13. 
7. ↑ "Carbamazepine | Fungsi, Cara Pemakaian, Dosis, Efek Samping". SehatQ (dalam Indonesian). Diakses tanggal 2020-06-13.  Archived 2020-06-13 di Wayback Machine
8. ↑ "Carbamazepine and cimetidine Drug Interactions". Drugs.com. Diakses tanggal 2020-06-13. 
9. ↑ "Carbamazepine and cisplatin Drug Interactions". Drugs.com. Diakses tanggal 2020-06-13. 
10. ↑ "Carbamazepine and cladribine Drug Interactions". Drugs.com. Diakses tanggal 2020-06-13. 
11. ↑ "Carbamazepine and lithium Drug Interactions". Drugs.com. Diakses tanggal 2020-06-13. 
12. ↑ "Buprenorphine and carbamazepine Drug Interactions". Drugs.com. Diakses tanggal 2020-06-13. 
13. ↑ "Carbamazepine Side Effects: Common, Severe, Long Term". Drugs.com. Diakses tanggal 2020-06-13.