Huku

Huku (chicken in English) ishiri inopfuyiwa pamba inowanikwa Pasirose. kune mhando zhinji dzehuku dzinochengeterwa kuita mazai uye kudyiwa nyama yadzo. Mwana wehuku anonzi nhiyo.

Nhunzvi yehuku inodanwa kunzi mhambo kana kuti tseketse, apa kureva huku hadzi yakambokandira mazai ikaita nhiyo.

• Jongwe kana gukurume ihuku hono inokwanisa kuzvarisa.
• Sekete (cage) kureva dendere rinotakurirwa huku.
• Kukandira mazai (laying eggs) zvinoreva kuburitsa mazai kunoita tseketsa yehuku.
• Chitsaka, Chitsake (1. Bird's nest 2. Woven nest for poultry, gen suspended below eaves of house) apa kureva chirukwa chinoitirwa huku kuchishandisa huswa kana tumiti. Chirukwa ichi chinoitirwa huku dziri kurindira mazai chinorembedzwa muberere rehozi kana imba.
• Kapupu, mhupu kana mhupurira (Growing fowl, cockrel or pullet). Zvichida ndipo panobva zita rokuti Nyakapupu?
• Chikwere kana chitata (House for poultry) apa kureva zumbu rehuku. Zvichida ndipo panobva zita rokuti Nyamutata?
• Madororo (chicken excreta) kureva tsvina yehuku.

Tsumo - Machongwe maviri haakukuridze pamutanda mumwe.

Nyama yehuku kudya kunonaka; huku ndiyo nyama yokuti kana vaenzi vasvika inobayiwa kuchifarirwa vaenzi. Huku dzinokurumidza kuwanda sechifuyo pamba.

• Huku dzangu dzava kukunduka manhenga: my fowls are losing some feathers.

• Chitiyo kupinda muzai huona mai.

• Lenje vanoti seki (hen) kureva huku. Sangho vanoti kondo (hen) kureva huku.
• Kinande vanoti emitoto kureva madororo kana matoto eshiri. Igbo inoti okuku kureva huku.
• Dor vanoti ngono kana ᵑgɔ̀nɔ̀ (n. chicken) kureva huku. Umbundu inoti kanduluka, tukuluka (v.a. emerge). Fananidzai nokuti kukandira.
• Kimbundu inoti kuxorora (n. drip - fananidzai nokuti madororo) kureva kuchururuka. Vanoti muxima kureva moyo - Chewa inoti mutima.
• Setswana inoti kgogo (hen) kureva huku. Kikuyu inoti nguku (hen) kureva huku.
• Sangho vanoti tororo (adj. frequently; all at once).