Русы

Русы
русские русс.

Фолклорна група зо западной России
Популация
по свѣтѣ 150 милионы[1]
Регионы зо значнов популациов
Россия 112,5 млн. (2010) [2][3] Украина 6,9 млн. (2001) [2][4] Германия 6,0 млн. (2003) [2] Казахстан 3,7 млн. (2014) [2] США 3,2 млн. (2003) [2] Узбекистан 1,0 млн. (2000) [2] Бѣлорусь 0,8 млн. (2009) [2] Латвия 0,6 млн. (2011) [2]
Языкы
русскый
Религия
православие
Близкы етничны групы
выходны славяне
Зазначкы
Указаны державы з популациев над 0,5 млн.

Ру́сы, русс. русские — вос­точ­но­сла­вян­скый на­род, основне обывательство Рос­сии. Подля списованя з року 2010 популация в Рос­сии чинила 112,5 млн. особ. Число во свѣтѣ ся одгадуе на 150 милионы.^[1]

Етимология назвы

Назва походить од зберной назвы народа Русь. Тота была тыж назвов територии, котру занимали розличны племена, означованы вкупно як Русь. Походжѣня самой назвы Русь не е до конця ясне, и суть о том розличны гипотезы, але векшина ученых поважуе, же походить она од финского Routsi “Шкандинавы, Шведы”. В X. сторочу, по взнику Киевской державы, тота назва была перенесена на ей обывательох, а по часѣ на вшиткых выходных славянох.^[5]

Формованя нации

Як народность сформовали ся в XV. сторочу, як нация — в другой половцѣ XIX. стороча.^[6] В конци XV. стороча од етничной назвы формуе ся назва державы — Россия.^[7] Рос­се­лѣня Русох ся до­про­во­джовало ру­си­фи­ка­ци­ев мѣ­ст­но­го обывательства в ходѣ еко­но­мичного ос­воѣ­ня новых тери­то­рий.^[2]

Диаспора

Перва габа емиграции из России взникла в роках 1917–1921. Друга — як резултат Другой свѣтовой войны. Русы диаспоры жи­ють переважно в го­ро­дах, ма­ють сполоченскы и кул­тур­ны ор­га­ни­за­ции, ак­тив­но уча­ст­вують в по­ли­тичном животѣ.^[2]

Роспад СССР

В СССР число Русох было 145,16 млн. особ (списованя з року 1989).^[8] По роспадѣ СССР 17% (над 25 милионы особ) трафили до ближного загранича в статусѣ народностных меншин, а до зачатку рока 2000 7,5 млн. з них реемигровали до Рос­сийской Федерации.^[2]

З причины великой територии, нееднакых историчных и географичных условий Русы мають велике число етнографичных груп. Наперек тому, суть сполочны, або найвеце росширены, характерны елементы. Ку такым належать в женской ноши: сарафан, безрукавный вѣган, надѣваный наповерха, кокошник, корунаста карабуля, а в хлопской ноши — косоворотка, сорочка з роспорков не на серединѣ, але з лѣвого боку. Тоты елементы в штилизованой формѣ суть хоснованы и в сучасности, кедь дизайн костюма намѣреный на звыразнѣня «русскости». Характерный танець: хоровод, помалый карѣковый танець зо спѣвом.^[9]

Религийны свята и обряды суть еднакы або барз подобны як у иншых православных выходных славянох.

• Александров В. А., Тишков В. А., Шмелёва М. И.: Русские //Народы и религии мира: Энциклопедия / Гл. ред. В. А. Тишков, Редкол.: О. Ю. Артемова, С. А. Арутюнов, А. Н. Кожановский и др. — М.: Большая Российская энциклопедия, 1999. - 928 с., ил. ISBN 5-85270-155-6 Сс. 438–461.
• РУССКИЕ // Большая российская энциклопедия. Том 29. Москва, 2015, сс. 59–60. РУ́ССКИЕ (по русскы). https://old.bigenc.ru/ethnology/text/3521362. [перевірено 2020-01-15]. 
• Большой энциклопедический словарь. Главный редактор А. М. Прохоров — Москва: Советская энциклопедия, 1993. — 1630 с. ISBN 5-85270-015-0 рус. С. 1149.

Вікісклад має мултімедіалны дата на тему:

Русы

• Толочко О. П.:Русь //Енциклопедія історії України : у 10 т. / Смолій В. и др. (ред.). Інститут історії України НАНУ. — К. : Наук. думка, 2003-2013. ISBN 966-00-0632-2 Том 9. 2012 ISBN 978-966-00-1290-5
• Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 3. ISBN 5-88500-007-7