mamazangiljan ti idipus

pinakeljangan tua mamazangiljan ti idipus aza pinuitjaucikelan nua segeris (Greece) a Oedipus Tyrannus manu Oedipus the King. sinipakangadan a tjaisangas a Oedipus (Οἰδίπους) nua kinakaian a geris i tua sinansunatj a "puitiks (Poetics)."

kisanlailaing a mamazangiljan ti idipus tua kaqinaljanan a tibis (Thebes). puita tua qadaw, papusengesengan ti idipus tua maresikacekelj nimadju ti kurien (Creon) tu vaik a kivadaq tua dilevi (Delphi), ayatua izuazua a seljayar sa saqetjuan tazua. sa nu mangetjez ti kurien a pasemalav tu paulan aicu a ljayar avan a kasizuanan a pinapacai ti laius (Laius) a mamazangiljan a kisanlailaing a pasusangas. inikanan a kemeljang tiamdju tu timaima a za kisankuya. manasika makuyakuya izua a ljayar sa saqetjuan.

kivadaq ti idipus tua laliguan ti tiresiyas (Tiresias) a pusaladj. nakemeljanganga ti tiresiyas tua siniqivuan ni idipus, ljakua inika patevela timadju tjai idipus. sa qemaqivu timadju tjai idipus tu semekez a kemikim taza paruarutan.