Spiral d'Archimede

La spiral d'Archimede a l'é na curva che a s'anvërtoja dantorn an pont, e a së slontan-a dal pont an manera che minca brass a l'ha na distansa fissa da 'nt l'àutr. L'equassion polar ëd la curva a l'é

${\displaystyle \rho =a+b\theta }$,

anté che ${\displaystyle a}$ e ${\displaystyle b}$ a son ëd nùmer reaj diferent da 0. La modìfica d'${\displaystyle a}$ a fa viré la spiral, cola ëd ${\displaystyle b}$ a cambia la distansa dij brass.

La spiral a l'é spartìa antra doj part, un-a për ${\displaystyle \theta <0}$, l'aùtra për ${\displaystyle \theta >0}$, che as gionto ant ël pont ${\displaystyle \theta =0}$

La spiral a pija ël nòm da Archimede, che a l'à dovrala per risòlve ël problema dla retìfica dla sirconferensa, che as peul nen risòlve an dovrand mach riga e compass. Contut che a sia un-a dle spiraj ch'a resto pì belfé a definisse, la spiral d'Archimede a l'é rèira da trové an natura, andoa a son pì comun-e le spiraj logarìtmiche.