Charles Dickens

Scritor an lenga anglèisa.
Charles Dickens a l'era nassù a Portsmouth ël 7 ëd fërvé dël 1812, scond d'eut masnà, e a l'é mòrt a Gadshill (Kent) ël 9 ëd giugn dël 1870. A l'é stàit sotrà ant l'abassìa ëd Westminter.

Ant soa euvra, Dickens a dissegna 'n quàder precis dla vita 'd tuti ij di dij pòver ëd Londra dël sécol ch'a fa XIX, ispirà da soa anfansia, dagià ch'a l'era chërsù ant ël quartié dël pòrt, con sò pare an përzon pr'ij sò fré.
Ampiegà da 'n nodar, peui cronista al parlament e giornalista, a l'é arvelasse a vintesses agn, con la publicassion d'un romanz a pontà mensij an sl'Evening Chronicle. Na vira famos a l'é dventà editor dël Daily News.
Le conte ëd Dickens a son ësquasi tute ambientà a Londra e a ponto 'l dil contra la miseria e j'ingiustissie sossiaj.

Dal 1853 a l'era ëdcò butasse a arsité soe euvre an pùblich. Soa dariera esibission a l'é dij 15 ëd mars 1870.

• David Copperfield;
• Oliver Twist;
• Christmas Carols.