Castel ëd Véres

Ël castel ëd Véres as treuva an Val d'Osta, ant la comun-a ëd Verrès, postà ansima a 'n brich ëd ròca ch'a dòmina ël borgh lì-sota. A l'é 'l model precis dla ca fòrt dl'Età ëd mes ch'a antìssipa 'l model arnassimental.

A l'é stàit costruì da Iblet ëd Challant dal 1372 al 1390. Dël 1536 Renà ëd Challant a l'ha giontaje d'àutre euvre ëd difèisa.

Apress, për ël castel a ancamin-a un perìod ëd decadensa, ch'a finiss con l'abandon për via dl'estinsion dij Challant. Ël salvatagi dël castel a l'é dovù a l'anteresse ëd na partìa d'anteletuaj piemontèis che ant la sconda mità dël sécol ch'a fa XIX a l'han soagnane la restaurassion.