Castanea sativa
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
Descrission[modìfica | modifiché la sorgiss]Ël castagné a l'é na bela pianta che sovens a chërs fin a 30 méter d'autëssa e che scasi 'd sigur a l'é stait amportà an Europa dai Roman. Ha l'ha na còma bin struturà con pòchi branch bin dëstèis. La scòrsa a l'é motobin caraterìstica con dle përfonde rigature che a giro dantorn al bion vzin al pe; ij but a l'han dle gëmme piate. Le feuje, strite e lusente, verd sombr e motobin dentà, a son tra le pi longhe ch'as peussa trovesse (fin a 25 cm). Le fior mascolin-e a son a rape motobin spassià bianch-giaunastr; le fior feminin-e a son a tre a tre a l'atach dle fior mascolin-e. Quand che la fior feminin-a a movra originand ël caraterìstich frut verd e spinos, le fior mascolin-e a sëcco. Minca frut a conten normalment doe castagne con na scorsa motobin dura e la polpa dossa, farinosa. Distribussion[modìfica | modifiché la sorgiss]A chërs an tuta italia, dzor le colin-e a an montagna, an sij teren àcid. Notissie[modìfica | modifiché la sorgiss]Le castagne a l'ero 'l pan 'd tùit ij di an tute le valade dle montagne, dal Càucas a la Spagna. Adess le castagne a son dovrà dzortut për preparé dij doss.
Arferiment bibliogràfich për chi a veul fé dj'arserche pì ancreuse[modìfica | modifiché la sorgiss]
|
