Còsta d'Avòri

La Còsta d'Avòri (Côte d'Ivoire an fransèis) a l'é un pais dl'Àfrica ossidental.

A confin-a con Ghana, Burkina Faso, Mali, Guinea e Liberia e a l'é bagnà da l'Océan Atlàntich (Gòlf ëd Guinea).
La capital a l'é Yamoussoukro, ma la sità pì importanta a l'é la veja capital Abidjan.
A l'ha na surfassa ëd 322.460 km² e a conta anviron 26.378.274 abitant.

La Còsta d'Avòri a l'é stàita un possediment dla Fransa dal 1893 al 1960, quand a l'ha otnù l'indipendensa.

La Còsta d'Avòri (nòm ofissial: République de Côte d'Ivoire) a l'é na repùblica.
Ël President a l'é Alassane Ouattara (dal 2011).
Ël Prim Ministr a l'é Robert Beugré Mambé (dal 2023)