Wìnge

Wìnge
Grand Est
Verwaltung
Land	Frankraich
Region	Grand Est
Département	Bas-Rhin (67)
Arrondissement	Haguenau-Wissembourg
Kanton	Risshoffe
Kommunalverband	Sauer-Pechelbronn
Maire	Jean Weisbecker (2014-2020)[1]
Code Insee	67537
Boschtlaitzahl	67510
Aiwohner
Aiwohner	452
Flech	16,79 km2
Bevelkerungsdicht	27,1 Iiw./km2
Lach
Koordinate	49° 01′ 34″ N, 7° 48′ 54″ E / 49.026111111111°N,7.815°E / 49.026111111111; 7.815Koordinate: 49° 01′ 34″ N, 7° 48′ 54″ E / 49.026111111111°N,7.815°E / 49.026111111111; 7.815
Hech	271 m
Wìnge Wìnge (Frankraich)
Website
http://www.wingen.fr

Wìnge (franzesisch Wingen, daitsch Wingen) isch e franzesische Gemää im Département Bas-Rhin (Unnaelsass) in de Rechion Grand Est (bis 2015 Elsass).

D Gemää gheat zum Kanton Risshoffe im Arrondissement Haguenau-Wissembourg.

Wìnge ligt im Nadurpark Nordvogese. In großer Deil vun de Gemajkung, 76%, sin Wald. Im Norde grenzt di Gemajkung an Daitschlånd. Zu Wìnge gheat s umiddelbaa benochbade Neidärfel (frz. Petit Wingen)

De Maire vun Wìnge isch de Jean Weisbecker. Wìnge gheat zum Kommunalvaband Sauer-Pechelbronn.

De Elsässisch-Pälzische Dialekt vun Wìnge gheat zum Rhoifränggische.

Uf de Gemajkung vun Wìnge ligge di Hoheburg un di Burg Leweschdää.

Im Wald findt ma de Russelkessel, en Sandschdå mid are kesselfermische Aushehlung. Ågeblisch soll er keldisch soi, was sisch awwer kaum nochweise loßt. In de Näh liggt de Keldeschdall mid Reschde vun Droggemauere, iwwer die ma awwer nix genaues weeß, weder wie ald se sin noch was es waa.

Im Rothaus is e galloremischi Schdel ausgschdellt, wu in Wìnge gfunne worre is. Do druf is de remische Gott Maas, begleit vun are kläne weiblische Person dagschdellt.

Di Baddlskäjsch (Eglise Saint-Barthélémy), e Simuldankäjsch fä beide Konfessione, is 1821 - 1823 erbaut worre. Am End vum nainzehnde Johrhunnert hot ma se im neoklassische Schdil verännert. 1984 is e umfangreische Renovierung durschgfihrt worre.^[2]

In de Kaawoch sin di Ratscher im Dorf unnerwegs un iwwernemme mit ihre Holzratsche di Uffgab vun de Käjscheglogge, weil die in derre Zeit des Angelus net laide du.

Immer am dridde Sebdemberwocheend findt di Kirwe schdadd. Do wärd en Kirwewawe aus Tånnezweije gebaut, wu mit Babierblumme verziert wärd.

 Commons: Wìnge – Sammlung vun Bilder, Video un Audiodataie

• http://www.wingen.fr
• http://www.wingen.free.fr
• E Beischbiel vum Dialekt (vun de Ratscher)

1. ↑ (franzesisch) Liste des maires au 25 avril 2014 (data.gouv.fr)
2. ↑ www.fondation-patrimoine.org