Marcel Gumbs

Marcel Gumbs
di 2 promé minister di Sint Maarten
Término di ofisina 19 di desèmber 2014–19 di novèmber 2015
Monarkia	Willem-Alexander (2013 - presente)
Antesesor	Sarah Wescot-Williams
Susesor	William Marlin
Informashon personal
Nòmber  kompleto	Marcel Faustiano Augustin Gumbs
Nasementu	26 di febrüari 1953  Kòrsou
Informashon profeshonal
Ofishi	polítiko
Partido polítiko	Partido Demokrat di Sint Maarten (DP) United People's Party (UP)
Imágennan riba Wikimedia Commons
Wèpsait ofisial
[Editá Wikidata] · [Manual]

Marcel Faustiano Augustin Gumbs (☆ 26 di febrüari 1953 na Kòrsou)^[1] ta un polítiko di Sint Maarten. E tabata e di dos promé minister di Sint Maarten di 2014 pa 2015. Promé ku desmantelashon di Antias Hulandes na 2010, Gumbs tabata miembro di parlamento di Antias Hulandes (1985-1992), miembro di Konseho Insular di Sint Maarten i sekretario di estado den gabinete Suzy Romer II (1998-1999).

Marcel Gumbs a nasé dia 26 di febrüari 1953 na Kòrsou i a muda na inisio di añanan 1960 pa Sint Maarten. Komo mucha, el a bai St. Joseph School na Sint Maarten.^[1] Despues di termina su estudio den exterior na 1975 el a bai traha komo kontroladó di tráfiko aéreo na Aeropuerto Internashonal Prinsesa Juliana na Sint Maarten. El a retirá na 1987.

Gumbs a kuminsá su karera polítiko den Partido Demokrat di Sint Maarten (DP) na 1983. Den e mesun aña, el a postulá su mes pa elekshon di Konseho Insular, pero no a haña sufisiente voto pa un asiento. Na elekshon 1985 pa parlamento di Antias Hulandes, Gumbs e ta risibí 218 voto i ta drenta parlamento pa su promé término. Na mart 1990, ora Claude Wathey, lider di DP, a rechasá su asiento parlamentario, Gumbs, kende tabata e siguiente kandidato ku mas tantu voto (419 voto), a huramentá pa su di dos mandato parlamentario. Entre 1992 i 1994 e tabata visepresidente di e parlamento antiano. Den e periodo aki e tabata alabes miembro di Konseho Insular di Sint Maarten. Pa e siguiente elekshonnan di parlamento di Antias Hulandes na 1994 i 1998, Gumbs a liderá e partido DP Sint Maarten i a keda elegí pa un di tres término ku un total di 919 voto personal na 1994 i 416 voto na 1998, despues di kual el a wòrdu nombrá komo sekretario di estado pa "rekonstrukshon di Sint Maarten" bou di promé minister Susanne Camelia-Römer (1998-1999).^[2]

Na novèmber 2014 Theo Heyliger a aserk'é pa e bira promé minister na nòmber di e partido UP konforme e akuerdo di koalishon entre UP i e miembronan independiente den parlamento: Cornelius de Weever i Leona Marlin-Romeo.^[3][1] 2] . Gumbs tabata formadó huntu ku Joe Richardson. E tabata e di dos promé minister di Sint Maarten, despues di Sarah Wescot-Williams, for di 19 di desèmber 2014 te ku 19 di novèmber 2015. Su gabinete a kai despues di un moshon di deskonfiansa. [3] Gumbs a wòrdu sigui pa William Marlin di National Alliance.

E tabata aktivo den direktiva di Jaycees di Sint Maarten i na 1989 tabata miembro di e hunta di direktiva di Aeropuerto Internashonal Prinsesa Juliana. Net promé ku el a bira promé minister, e tabata miembro di e Konseho Konsultativo (Raad van Advies) di Sint Maarten.^[4][5]

Marcel Gumbs ta tata di Melissa Gumbs, polítiko i lider di partido Party for Progress.