T.A.T.u.

T.A.T.u., puslèu escrich t.A.T.u., es un duò pop rus originari de Moscòu compausat de Julia Volkova e Lena Katina. Sòcis del grop Neposedy dempuèi 1991, es a partir de 1999 que Julia e Lena forman lor duò t.A.T.u..

t.A.T.u. es la contraccion de Ta Lyubit Tu, que significa en rus « aquesta qu'aima aquela » : efectivament, Julia Volkova e Lena Katina se fan sovent remarcar en se potonant sus la boca de faiçon provocanta, vestidas en lolitas. Pasmens, malgrat lo nom del grop e la provocacion sexuala explicita, dison non pas èsser lesbianas.

Entre 1999 e 2001, Julia e Lena an de'n primièr començat de cantar en rus e an obtengut de succès dins lor país d'origina. En 2002, publican alavetz un primièr single en anglés, All the Things She Saïd : aqueste se classa alavetz a la primièra plaça dins mantuns païses europèus. Gràcias a n'aquel tube All the Things She Saïd , lor primièr album internacional en anglés, 200 km/h in the Wrong Lane, foguèt en 2002-2003 l'album mai vendut del duò. En seguida d'aquel tube, lo single Not Gonna Get Us a tanben agut de resson en 2003.

En 2003, t.A.T.u. representa Russia al Festival de la Cançon d'Eurovision a Riga, en Letònia, ambe la cançon Ne Ver', Ne Boysia, cançon qu'obten la tresena plaça del concors.

En 2014, lo duò se separa.