Montairal

Vila d'Occitània

Montairal
Montayral

L'ostal de comuna.

Geografia fisica

Coordenadas

44° 28′ 49″ N, 0° 59′ 17″ E

Superfícia

24,54 km²

Altituds
· Maximala
· Mejana
· Minimala

227 m
107 m
57 m

Geografia politica

Guiana Agenés

França

Le Fumélois (Tornon d'Agenés avant 2015)

Intercom
244700431

CC de Fumèl Val d'Òut

Cònsol

Jean-François Ségala
(2020-2026)

Geografia umana

Populacion
Populacion totala
(2018)

2 666 ab.

2 735 ab.

Densitat

115,81 ab./km²

Autras informacions

Còde postal

47500

Còde INSEE

47185

Montairal (Montayral en francés) es una comuna agenesa^[1], situada dins lo departament d'Òut e Garona e la region de Novèla Aquitània, ancianament d'Aquitània.

Geografia

Separada de Fumèl per l'Òut, la comuna fa partida de son aira urbana amai de son unitat urbana. L'ostal de comuna es, dempuèi las annadas 30, en un lòc qu'apèlan Pellery (en francés) e es aquí (e a Tempoure, en direccion de Fumèl) qu'aquela banlèga de Fumèl s'es espandida principalament (ostals individuals, supermercats, etc). La desviacion de Fumèl passa tanben a Montairal, çò qu'a favorizat lo desvolopament comercial.

Perimètre del territòri

Comunas confrontantas de **Montairal**
	Fumèl	Soturac (Òut)
Sent Vit de Dòrn		Maurós (Òut)
Sent Jòrdi	Borlens	Tesac

Toponimia

Bénédicte Boyrie-Fénié dona d'atestacions ancianas, en latin, del nom de Montairal, mas en realitat se tracta del nom de la parròquia e de son sent dedicatari : Sancti Germani (parrochia de ~), al sègle XIII, Sancti Germani (parrochia de ~) prope Fumellum, al sègle XIII, Sancti Germani (parrochia de ~) prope Orgol/Oryol, al sègle XIII, Sancti Germani (parrochia de ~), en 1271, Sancti Germani (parrochia de ~) prope Fumellum, en 1326, Sancti Germani (rector ~) e de Mazeriis, en 1520. Orgol, auèi Orguèlh, es un ancian pòrt e castrum de la comuna de Maurós (Carcin), arroïnat e situat a qualques km. La prononciacion es [muŋtɛj'ral]^[2], Mazeriis, donc Masièras es lo nom de l'anciana parròquia apelada tanben Perricard, donc Puèg-ricard. Montairal, nom d'un castèl, a remplaçat, segon Durengues citat per B. Boyrie-Fénié [mas sembla pas que siá dins son Pouillé historique du diocèse d'Agen pour l'année 1789], lo nom tradicional de la comuna, Sent German. Lo nom Montairal, fondacion feudala, es format pel mot mont e pel nom de persona, d'origina germanica, Airal, que vendriá de Hari-wald segon Dauzat ^[2]^,^[3]. Per Airal, veire tanben Sent Airard, qu'es eventualament lo meteis nom germanic a l'origina.
Cézérac es benlèu format, coma Ceserac (Bearn), del nom d'òme latin Caesar, sense rapòrt ambe Juli Cesar, o Caesarius, seguit de -acum ^[4], latinizacion del sufixe gallés -aco-; cossí que siá, es una anciana propietat antica o de la Nauta Edat Mejana.
Masièras es un nom plan commun, del latin maceriae, « roïnas, [eventualament] de l'epòca romana » ^[5]; lo vilatge s'installèt en un lòc ancianament poblat, ambe continuïtat o discontinuïtat del pòblament.
Puèg-ricard. Lo mot puèg se tròba sovent dins los noms de castèl, que venon fòrts de lor situacion dominanta. Lo pichon nom Ricard deviá èsser lo d'un de sos primièrs senhors. Lo nom remplacèt pauc a pauc Masièras dins lo nom de la parròquia, coma Montairal per Sent German.

Istòria

La comuna es formada de tres ancianas parròquias : Sent German de Montairal e Marie-Madeleine de Cézérac (nom francés), dins la ribièra, e Sent Martin de Masièras, alias Puèg-ricard, suls puèges. La comuna se creèt en 1837, a partir de Tornon d'Agenés ^[6].

Administracion

Lista dels cònsols successius
Periòde		Identitat	Etiqueta	Qualitat
març de 2014	2026	Jean-François Ségala	PS	contramèstre
mai de 2004	2014	Jean-Michel Egretaud	PS	retirat Educacion nacionala
març de 1990	2004	Jean-Pierre Nembrini	PS	professor
març de 1983	1990	Jean-Jacques Laffore	PS	conselhièr general (1983-1990)
	1983
Totas las donadas non son pas encara conegudas.

Abans la refòrma cantonala de 2014, aplicada en 2015, la comuna èra del canton de Tornon d'Agenés; es ara del canton de Le Fumélois (en francés).

Demografia

modificar « persona »
v · d · m

Evolucion demografica
Populacion comunala actuala (2013): 2842, totala: 2914

1 388

1 350

1 336

1 336

1 258

1 257

1 206

1 188

1 132

1 121

1 060

1 022

954

940

1 028

964

960

989

930

1 040

1 200

1 668

2 557

3 000

3 200

3 094

2 936

2 971

2 986

2 994
3 069

2009

2010

2 935
3 015

2 876
2 956

Fonts

Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE

Evolucion de la populacion 1962-2008

comuna creada en 1837
En 2018 la populacion èra de 2666 abitants e la densitat èra de 108,64 ab/km².

Lòcs e monuments

Personalitats ligadas ambe la comuna

Veire tanben

Comunas d'Òut e Garona

Ligams extèrnes

Nòtas

↑ https://web.archive.org/web/20161115015531/http://gallica.bnf.fr/ark:/12148/btv1b77101733/f1.item.zoom
↑ ^2,0 et ^2,1 Bénédicte Boyrie-Fénié, Dictionnaire toponymique des communes, Lot-et-Garonne, ed. CAIRN e Institut Occitan, Pau, 2012, p. 187
↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 469
↑ Michel Grosclaude, Dictionnaire toponymique des communes du Béarn, Escòla Gaston Febus, 1991, p. 62
↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 456
↑ http://cassini.ehess.fr/cassini/fr/html/fiche.php?select_resultat=23391

Portau de Guiana

[1] ttps://web.archive.org/web/20161115015531/http://gallica.bnf.fr/ark:/12148/btv1b77101733/f1.item.zoom

[BBF-2] 2,0 et ^2,1 Bénédicte Boyrie-Fénié, Dictionnaire toponymique des communes, Lot-et-Garonne, ed. CAIRN e Institut Occitan, Pau, 2012, p. 187

[3] Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 469

[4] Michel Grosclaude, Dictionnaire toponymique des communes du Béarn, Escòla Gaston Febus, 1991, p. 62

[5] Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 456

[6] ttp://cassini.ehess.fr/cassini/fr/html/fiche.php?select_resultat=23391

[1]

[2]

[3]

[4]

[5]

[6]