AMX 30

Lo carri AMX 30 es un carri de combat principau francés desvolopat au començament deis annadas 1960. Intrèt en servici en 1966 au sen de l'armada francesa. 3 571 unitats foguèron produchas que la mitat foguèt exportada car lo blindat foguèt adoptat per unei país coma Espanha, Grècia, Veneçuela, Qatar o l'Arabia Saudita. Divèrsei versions foguèron produchas, en particular durant la fin de la Guèrra Freja, l'AMX 30B2 qu'èra una modernizacion fòrça avançada dau veïcul originau. A partir deis annadas 2000, foguèt remplaçat au sen de l'armada francesa per l'AMX 56 Leclerc.

Participèt a la Guèrra de Kuwait au sen deis armadas francesa e qatari. Obtenguèt de resultats satisfasents còntra lei carris iraquians T-55 e T-62 durant la batalha de Khajfi e durant l'ofensiva vèrs Al Salman.