Wikiccionari:Benvengudas e benvenguts!

Lo Wikiccionari a per tòca de venir un diccionari universal liure basat sus de wikis.

Adieu a totes, vos desiram una brava benvenguda aicí!

Pr'amor de sa tòca de diccionari, lo Wikiccionari vòl donar las entresenhas mai completas e mai neutras possiblas sus totes los mots o locucions, utilizats a l'ora d'ara o temps passat, oralament o per escrich d'en primièr en occitan mas tanben dins totas las autras lengas, vivas o mòrtas. Son objectiu es essenciament descriptiu en far de l’occitan la basa del diccionari en evitar de voler presentar una solucion unica coma la sola causida possibla o en far de causidas criticablas e pas pro fondamentadas. De per son ambicion de referéncia scientifica, deu ensajar d'èsser neutre dins sas dintradas en respectar la diversitat dialectala e lexicala e defugir pasmens çò que podrián semblar de solucions personalas o de còdis grafics divergents de las practicas majoritàrias (valent a dire las grafias classica e mistralenca). Cal saber servar a la lenga sa dignitat, tot se pòt pas escriure e las referéncias explicativas e complementàrias en cas de dobte seràn benvengudas

Vaquí çò que trobarètz dins lo Wikiccionari:

lo o los tipes de mot o de locucion
sas variacions (conjugasons, acòrdis)
la o las definicions
la o las prononciacions
la o las etimologias
de traduccions (o equivalents) en d'autras lengas, e dins las autras lengas cap a l'occitan, la lenga maire del Wikiccionari

Nòstra ambicion es d'i botar tanben:

los sinonims e antonims
los mots parents
las paraulas e locucions derivadas (coma las expressions)
los omofòns
los paronims
los iperonims e los iponims
los olonims e los meronims

Lo Wikiccionari pòt porgir a mai:

d'exemples e de citacions
los registres de lenga
las divèrsas terminologias especializadas
los diferents usatges segon las regions
las diferentas prononciacions segon las regions
d'illustracions
d'enregistraments de prononciacions
de ligams pertinents vèrs l'enciclopèdia liura Wikipèdia

E mai totes los afixes e caractèrs utilizats per escriure los mots.

Lo contengut del Wikiccionari es reütilizable segon las condicions de la Licéncia de documentacion liura GNU

Sètz actualament sul Wikiccionari, es a dire lo Wiktionary occitanofòn. Existís en efièch de Wikiccionaris dins fòrça autras lengas. Agachatz en aqueste prepaus la pagina dels autres Wikiccionaris o lo sit http://wiktionary.org qu'acampan los principals projèctes.