Roger McGuinn

Roger McGuinn
Fødd	13. juli 1942 Chicago i Illinois i USA (82 år)
Fødestad	Chicago
Fødenamn	James Joseph McGuinn III
Opphav	USA
Aktiv	1960–i dag
Sjanger	Rock, folkemusikk
Instrument	Tolvstrengsgitar, sjustrengsgitar, gitar, banjo, mandolin
Kjende instrument	Rickenbacker 370/12 Martin HD-7 Martin D12-42RM
Tilknytte artistar	The Byrds, Chad Mitchell Trio
Plateselskap	Columbia
Verka som	Musikar, låtskrivar, produsent
Prisar	MOJO Awards

James Roger McGuinn (profesjonelt kjend som Roger McGuinn, tidlegare Jim McGuinn og fødd James Joseph McGuinn III (fødd 13. juli 1942)^[1] er ein amerikansk songar, låtskrivar og gitarist. Han er mest kjend som frontmann i The Byrds. Han er medlem av Rock and Roll Hall of Fame for arbeidet sitt med The Byrds.

Med tolvstrengsgitaren sin vart Roger McGuinn ein viktig del av lydbiletet til gruppa. Eit av varemerka hans var rektangelforma solbriller som han alltid hadde eit stykke ned på nasa. Då Gene Clark forlét The Byrds i 1966 tok McGuinn over som leiande vokalist og komponist i gruppa.

Nokre av dei mest kjende songane hans frå denne tida er «It Won't Be Wrong», «5D (Fifth Dimension)», «Mr. Spaceman», «So You Want To Be A Rock 'n' Roll Star», «Ballad Of Easy Rider» og «Chestnut Mare». Han var òg den drivande krafta bak dei populære arrangementa av Bob Dylan-songar som «Mr. Tambourine Man» og «All I Really Want To Do» og dessutan versjonane av Pete Seeger sine «The Bells Of Rhymney» og «Turn! Turn! Turn!».

McGuinn stod for musikk til filmen Easy Rider frå 1969.

• Roger McGuinn (1973)
• Peace On You (1974)
• Roger McGuinn & Band (1975)
• Cardiff Rose (1976)
• Thunderbyrd (1977)
• Back From Rio (1991)
• Live From Mars (1996)
• Treasures From the Folk Den (2001)
• Limited Edition (2004)
• The Folk Den Project (2006) 4 cd-boks

• Roger McGuinn - Offisiell heimeside