Nautisk mil

Nautisk mil (forkorta n. mil, NM eller nmi) eller sjømil^[1], tidlegare kalla kvartmil, er ei måleining for lengde som blir brukt i sjø og luftfart. Ei nautisk mil er fastsett til eksakt 1852 meter, om lag lengda på eit breiddeminutt. Eininga er i Noreg tillaten inntil vidare for bruk innan sjø- og luftfart^[2], men må ikkje forvekslast med SI-eininga nm.

Ei nautisk mil vart opphavleg definert som omkrinsen til Jorda (40 000 kilometer) delt på 360 grader og deretter på 60 (minutt). Ei nautisk mil tilsvarar om lag avstanden nord-sør langs eit breiddeminutt.

${\frac {10000000}{90\cdot 60}}={\frac {10000000}{5400}}=1851,85$ meter.

Ei kvartmil, som er omtrent like lang som ei nautisk mil, er firedelen av den eldre måleininga sjømil eller geografisk mil, som er på 7 421 meter.

Tidlegare vart ei nautisk mil òg definert lik eit distanseminutt eller ekvatorminutt.

Referansar

↑ «Bokmålsordboka | Nynorskordboka», ordbok.uib.no, henta 1. juli 2020
↑ FOR 2007-12-20 nr 1723: Forskrift om målenheter og måling, § 2-9. Enheter som er definert uavhengig av SI-enhetene, Lovdata.

[1] «Bokmålsordboka | Nynorskordboka», ordbok.uib.no, henta 1. juli 2020

[2] FOR 2007-12-20 nr 1723: Forskrift om målenheter og måling, § 2-9. Enheter som er definert uavhengig av SI-enhetene, Lovdata.

[1]

[2]