Nordanstigs kommun

	Nordanstigs kommun
	kommune
	Kommunevåpen
	Kommunevåpen
Land	Sverige
Len	Gävleborgs län
Landskap	Hälsingland
Del av	Hälsingland, Q61663374
Centralort	Bergsjö
Areal	1 399 km²
Folketal	9 872
Folketettleik	7,0 / km²
	; Nordanstigs kommun; 61°59′00″N 17°04′00″E / 61.983333333333°N 17.066666666667°E
	Kart som viser Nordanstigs kommun. Kart som viser Nordanstigs kommun.
	Wikimedia Commons: Nordanstig Municipality
	Nettstad: www.nordanstig.se

Nordanstigs kommun er ein kommune i Gävleborgs län i Sverige som ligg ved Bottenhavet. Kommunen grensar til Ånge kommun og Sundsvalls kommun i Västernorrlands län i høvesvis nordvest og nord og Hudiksvalls kommun i Gävleborgs län i sør. Administrasjonssenteret i kommunen er Bergsjö. Dette ligg om lag 30 km nord for Hudiksvall.

I kommunen finn ein eit lågt kystland i aust, som lenger vestover stig opp i eit kupert og barskogkledd grunnfjellslandskap. I den austlege delen ligg det mange vatn. Dei fleste arbeidsplassane er innan servicenæringane, men ein finn også tre- og foredlingsindustri i kommunen.

Administrativ historikk

Ved kommunereforma i 1952 vart kommunane Harmånger, Ilsbo og Jättendal slegne saman til storkommunen Harmånger, medan det ikkje vart gjort endringar i Bergsjö, Gnarp og Hassela. I 1974 vart alle desse slegne saman til ein ny kommune, med tettstaden Bergsjö som administrasjonssenter. Den nye kommunen fekk namnet Nordanstigs kommun etter «Nordanstigs kontrakt».

Kommunevåpenet

Blasonering: Eit delt skjold med ein gåande helsinghest i svart på sølvbakgrunn øvst og eit fiskenett i sølv med seks fullstendige masker på blå bakgrunn nedst.^[1]

Av dei seks sokna som inngår i Nordanstigs kommun hadde fem heraldiske våpen frå før. Sidan ingen av desse var namngjevarar til den nye kommunen valde ein i staden å lage eit heilt nytt våpen, og det vart utlyst ein konkurranse. Framlegget til kunstnaren Paul Persson vann. Hesten symboliserer på jord- og skogsbruk og nettet talet på sokn som er med i kommunen. Våpenet vart registrert i Patent- och registreringsverket i 1983.

Tettstader

Det er åtte tettstader i Nordanstigs kommun.

Tettstadene i tabellen er ordna etter innbyggjartal per 31. desember 2005. Administrasjonssenteret er utheva.

Nr.	Tettstad	Folketal
1.	Bergsjö	1 243
2.	Gnarp	999
3.	Harmånger	523
4.	Strömsbruk	418
5.	Ilsbo	399
6.	Hassela	375
7.	Stocka	365
8.	Jättendal	277

Kjelder

«Nordanstigs kommun» på Wikipedia på svensk.
«Nordanstig» på Store Norske Leksikon.

Fotnote

↑ «Sköld delad av silver, vari en gående hälsingehäst i svart, och blått, vari ett av vågskuror bildat fisknät i silver med sex fullständiga maskor».

[1] «Sköld delad av silver, vari en gående hälsingehäst i svart, och blått, vari ett av vågskuror bildat fisknät i silver med sex fullständiga maskor».

[1]