Muff Winwood

Muff Winwood
Statsborgarskap	Storbritannia
Fødd	15. juni 1943 (81 år) Erdington
Yrke	komponist, musikkprodusent, gitarist, låtskrivar, A&R person
Språk	engelsk
Medlem av	The Spencer Davis Group
Far	Lawrence Winwood
Muff Winwood på Commons

Mervyn «Muff» Winwood (fødd 15. juni 1943 i Erdington i Birmingham)^[1] er ein engelsk låtskrivar og plateprodusent, og den eldre broren til Steve Winwood. Begge spelte tidlegare i Spencer Davis Group i 1960-åra, der Muff Winwood spelte bassgitar.^[2] Han produserte debutplata til Dire Straits, Dire Straits (1978).^[2]

Faren, Lawrence, var ein støyperiarbeidar, og spelte òg tenorsaksofon i danseband og hadde ei samling med jazz- og bluesplater. Winwood gjekk på Cranbourne Road Primary School og Great Barr School, som var ein av dei første einingskulane. Han var korgut ved St John's Church og vart interessert i gitar, og så bass.

Muff var med i originalbesetninga av the Spencer Davis Group, men vart beden av foreldra om å ta litlebroren med seg på konsertane for å halde han borte frå trøbbel. Gruppa starta å la den unge Stevie å få vere med på nokre få songar og oppdaga etterkvart at alle dei skrikande ungjentene føre scenen var der for Stevie.

Då han slutta i Spencer Davis Group n 1967 vart Winwood A&R-mann for Island Records.^[2] Han var der fram til 1978, då han vart sjef for det britiske kontoret til CBS Records som seinare vart Sony Music fram til 1990-åra.^[3] Utanom Dire Straits, produserte Winwood hitalbumet Kimono My House (1974), og hitsinglane, «This Town Ain't Big Enough for Both of Us» og «Amateur Hour» for Sparks.^[2] Han produserte òg det andre alubmet deira, Propaganda i 1974 (med singelen «Never Turn Your Back on Mother Earth»). Som ein del av jobben som A&R signerte Winwood kontrakt med mellom andre Terence Trent D'Arby, Sade, Shakin' Stevens og The Psychedelic Furs.^[2]

Han har òg vore produsent for Marianne Faithfull, Nirvana, Sutherland Brothers («Sailing»), Traffic, Mott the Hoople, Love Affair, Kevin Ayers, Patto, Unicorn,^[4][5] After the Fire og The Noel Redding Band.

• Muff Winwood-diskografi på Discogs
• Muff Winwood på AllMovie