Okandéfolk

Okandé er ei folkegruppe frå Nordaust-Gabon som tilhøyrer mèmbè-språkgruppa (okandé, apindzi, simba, vové, tsogho, evia og kotakota). Folkegruppa omfattar eit anslått folketal på 2000 menneske (i 2003) som bur i Lopé-departementet i Ogooué-Ivindo.

I bantuspråk-klassifikasjonen til Malcolm Guthrie tilhøyrer språket deira mokande-kande den tsogo-språklege gruppa (B30) og har koden B32. Språket overlappar med språket til apindzi- og simbafolk med høvesvis 80 og 86 %, ifølgje professor Van Der Veen.

Mwiri, ein mannleg innviingsinstitusjon, spelar framleis ei viktig rolle i det tradisjonelle sosiale og religiøse livet til okandéfolk.