Johan Christopher Haar Daae
| Johan Christopher Haar Daae | |
| Statsborgarskap | Noreg |
| Fødd | 2. august 1759 Lindås kommune |
| Død |
10. september 1827 (68 år) |
| Yrke | prest |
| Religion | Den evangelisk-lutherske kyrkja |
| Far | Ludvig Daae |
Johan Christopher Haar Daae (fødd 2. august 1759 i Lindås, død 10. september 1827 i Veøy) var ein norsk prest, son av magister Ludvig Daae. Tok teologisk eksamen i 1781. Arbeidde for den geografiske landmåling i Jylland i fire år, vart i 1785 kapellan i Lindås hjå faren. Han var kapellan i Førde (1788-1798) og i Innvik (1798-1804). Daae var sokneprest i Norddal (1804-1820), deretter i Veøy i Romsdal der han tok over etter Jens Stub.[1]
Han var gift med Susanne Grythen (1760-1828). Sonen Ludvig (1792-1879) var offiser og kjøpte garden Solnør i Skodje, han var far til embetsmann og politikar Ludvig Daae. Sonen Anders (1802-1866) var sokneprest i Kvernes og prost for Nordmøre. Dottera Sara Margrethe (6. april 1806 - 10. mai 1841) var gift med Hans Conrad Thoresen og mor til Suzannah Ibsen.
I hans tid som sokneprest i Norddal vart det halde val til Riksforsamlinga på Eidsvoll, og han vart sjøl utpeikt som ein av to representantar til amtets valmannsmøte våren 1814.[2]
Kjelder
[endre | endre wikiteksten]- ↑ Lampe, J.F. (1895): Bergens Stifts Biskoper og Præster efter Reformationen. Redigert av D. Thrap. Kristiania: Cammermeyer.
- ↑ Arkivverket Arkivert 2021-06-24 ved Wayback Machine. lese 22. februar 2014.