Kaduna

10°31′N 7°26′E / 10.517°N 7.433°E / 10.517; 7.433

Kaduna
by
Land	Nigeria
Areal	431 000 000 km²
Folketal	760 084 (2006)
Kaduna 10°31′23″N 7°26′25″E / 10.523055555556°N 7.4402777777778°E / 10.523055555556; 7.4402777777778
Wikimedia Commons: Kaduna

Kaduna er ein by og hovudstaden i delstaten Kaduna i det sentrale Nigeria. Byen, som ligg ved Kadunaelva, er eit viktig samferdsle-, handels-, finans- og industrisenter for den nordlege delen av Nigeria og dei nærliggjande jordbruksområda grunna tilknytinga med veg og jernbane. Han ligg elles 220 km sørvest for den større byen Kano. Folketalet i Kaduna var 1 652 844 i 2006. Symbolet på byen er ei krokodille, som er kada på det lokale språket hausa.

Byen er også det viktigaste senteret for tekstilindustri i landet. Elles omfattar industrien mellom anna petroleumsraffineri, stålvalseverk, produksjon av transportmiddelutstyr og nærings- og nytingsmiddel. Ein finn også ein del handverksindustri, som tekstilar, lærarbeid og keramikk. Viktige handelsvarer er kveg, jordnøtter (peanøtter), bomull osb. Kaduna er elles sete for ein teknisk høgskule, eit militærakademi og dei geologiske undersøkingane i Nigeria.

Kaduna vart grunnlagd av britane i 1917 i samband med bygginga av jernbana frå Lagos til Kano.

• «Kaduna» på SNL.no, den 21. november 2009 (publisert under lisensen CC-BY-SA).
  Denne geografiartikkelen er ei spire. Du kan hjelpe Nynorsk Wikipedia gjennom å utvide han.