Fjesing

Fjesing
Fjesing
Status
Status i verda: Livskraftig
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Actinopteri
Orden:	Piggfinnefiskar Perciformes
Familie:	Fjesingfamilien Trachinidae
Slekt:	Trachinus
Art:	Fjesing T. draco
Vitskapleg namn
Trachinus draco Linnaeus, 1758

Fjesing (Trachinus draco) er ein fisk i fjesingfamilien som blir opp til 41 cm,^[1] men sjeldan over 20-30 cm. Han finst frå Vest-Afrika og Middelhavet,^[1] til Trondheimsfjorden og inn i den sørlege Austersjøen. Han er vanleg langs kysten sør i Noreg, og er observert nord til Trondheimsfjorden.

Fisken har samantrykt kropp med flekkar og striper i gulbrune, blå eller grøne fargar. På den fremste ryggfinnen sit seks-sju stive piggar, medan den andre ryggfinnen og gattfinnenn er lang med mjuke strålar.^[1] Den fremste ryggfinnen og gjellelokka har piggar som har samband til giftkjertlar.^[1]

Fjesingen lever på havbotnen der han grev seg ned i sanden om dagen. Om natta jaktar han bytte som krepsdyr, mangebørstemark og småfisk i frie vassmassar eller ved botnen.^[1]

Gytetida er mellom juni og august. Fisken legg små egg i pelagiske soner.^[1] Fisken legg ut mot djupare vatn om hausten.^[1]

Fjesing har giftige piggar og er farleg også for menneskje. Fisken grev seg ned i sanden, og det hender at badande trakkar på han og bli stukke. Fiskarar er også utsette. Når ein vert stukke skal ein reinse såret og putte den kroppsdelen som har blitt stukke, i vatn, ca. 40-45 °C. Giftstoffa vert øydelagde av varmen.^[1] Blodet må få renne fritt ut av såret. Innan 45 minutt bør smerta vere på retur. Dersom hevinga eller smertene forsvinn og så kjem attende, bør ein gå til lege. Det har vore observert tilfelle der fjesingstikk har ført til amputasjon, og til og med død, men det er svært uvanleg.

Fjesing kan brukast som matfisk, men det blir ikkje driva målretta fiske på han i Noreg.^[1]

Denne artikkelen treng fleire referansar for verifikasjon. Du kan forbetra denne artikkelen ved å leggja inn referansar til pålitelege kjelder. Kven som helst kan fjerna kjeldelaust materiale utan forvarsel, men den føretrekte tilnærminga er i første omgang å markera dei setningene/påstandene som treng kjeldebelegg ved å tilføya {{tr}} etter påstanden. Malen blei sett inn 2023

• (no) Fjesing hos Artsdatabanken
• (en) Fjesing – oversikt og omtale av artane i WORMS-databasen
• (en) Fjesing i Global Biodiversity Information Facility
• (sv) Fjesing hos Dyntaxa
• (en) Fjesing hos FishBase
• (en) Fjesing hos Fossilworks
• (en) Fjesing hos ITIS
• (en) Fjesing hos NCBI
• (en) Kategori:Trachinus draco – bilete, video eller lyd på Wikimedia Commons
• (en) Trachinus draco – galleri av bilete, video eller lyd på Wikimedia Commons
• Trachinus draco – detaljert informasjon på Wikispecies
  Denne biologiartikkelen som har med dyr å gjere, er ei spire. Du kan hjelpe Nynorsk Wikipedia gjennom å utvide han.