Erdre
| Erdre | |||
| elv | |||
 | |||
| Land |  Frankrike
| ||
|---|---|---|---|
| Nedslagsfelt | 936 km² | ||
| Lengd | 85 km | ||
| Middelvassføring | 2,5 m³/s | ||
| Kjelde | Maine-et-Loire | ||
| Munning | Loire | ||
 Erdre 47°12′42″N 1°32′22″W / 47.211666666667°N 1.5394444444444°W | |||
| Wikimedia Commons: Erdre | |||
Erdre er ei elv vest i Frankrike og ei av sideelvane til Loire frå høgre. Ho har sitt utspring i departementet Maine-et-Loire nær La Pouëze. Ho renn òg gjennom departementet Loire-Atlantique. Elva munnar ut i Loire ved byen Nantes. Andre byar Erdre renn gjennom er Candé, Riaillé, Nort-sur-Erdre og Sucé-sur-Erdre.
Erdre er uvanleg på den måten at ho er breiare lenger oppe i elva enn i den nedre delen. På det lågaste punktet, der ho møter Loire i Nantes, er den tidlegare leia hennar no hovudveg og forretningsstrøket Cours des Cinquante Otages. Erdre møter no Loire via ein undergrunnskanal under Rue Henri IV, og dei renn i hop nær hovudjernbanestasjonen.
Om lag 15 km opp i elva, ved Plaine de Mazeroles, nær Sucé sur Erdre, har Erdre gått frå å vere nokre få hundre meter brei til nesten ein kilometer. Vidt sumpterreng gjer elva enno breiare. Ovanfor her går Nantes-Brest-kanalen vestover ved landsbyen Nort sur Erdre.
