Buq'ata

Buq'ata
بقعاتا
landsby
Vegen inn til Buqata
Land	Syria,  Israel
Israelsk distrikt og underdistrikt	Nord-distriktet, Golan
Syrisk guvernement og distrikt	Quneitra guvernement, Quneitra-distriktet
Stad	Golanhøgdene, (Internasjonalt anerkjend som syrisk territorium okkupert av Israel)
•  høgd	1 070 moh.
- koordinatar	33°12′N 35°47′E / 33.200°N 35.783°E / 33.200; 35.783
Areal	19,54 km²
Folketal	5 700  (2007)
Buq'ata 33°12′05″N 35°46′47″E / 33.201388888889°N 35.779722222222°E / 33.201388888889; 35.779722222222
Kart som viser Buq'ata.
Wikimedia Commons: Buqata

Buq'ata (arabisk بقعاتا, hebraisk בֻּקְעָאתָא) er ein drusarby nord i Golanhøgdene, i dag administrert av Israel. Dei fleste innbyggjarane har syrisk borgarskap. Buq'ata dekkjer eit område på 7 km² mellom Hermonit og fjellet Varda. Han ligg 1 070 meter over havet. I 2007 var folketalet 5 700.^[1]

Buq'ata vart grunnlagd i 1880-åra av familiar frå nabobyen Majdal Shams. Han vart øydelagd i 1888 under ei rekkje kampar mellom rivaliserande landsbyar i området, og igjen i 1925 under det store syriske opprøret mot det franske mandatstyret. Han vart ein del av det sjølvstendige Syria i 1946. I løpeg av seksdagarskrigen i 1967, vart byen erobra av Israel. Buq'ata fekk israelsk kommunestatus i 1982.

Sidan opprøret i Syria, har noko valdeleg uro breidd seg over til Buq'ata, der innbyggjarar som er lojale overfor president Bashar al-Assad i Damaskus har slost mot opprørarar.^[2]

Innbyggjarar i Buq'ata har permanent innbyggjarstatus i Israel ogo har rett til israelsk borgarskap. Dei mottar lokale sosialhjelp frå Israel og dei produserer varer for israelske distributørar.^[3]

Hovudnæringa er hovudsakleg jordbruk, med eple og druer som dei viktigaste avlingane. I 2013 hausta Buq'ata 55 000 tonn eple, som er selde til marknader i Israel eller eksporterte til Syria.^[3]