Birkebeinerrennet
Birkebeinerrennet er eit skiløp som går frå Rena til Lillehammer, og er 54 kilometer langt. Løpet er ein tradisjon i Noreg som blei starta i 1932, til minne om turen som birkebeinane Torstein Skevla og Skjervald Skrukka hadde med Håkon Håkonsson i 1206.
Fram til 1991 var start og mål annankvart år på Lillehammer og Rena. Etter dette har Birkebeinerrennet hatt fast start på Rena og innkomst på Lillehammer. Rennet går i klassisk stil. Alle deltakane må bera ein sekk som veg minst 3,5 kg frå start til mål.
