Richard Royce Schrock

Richard Royce Schrock (* 4. Januar 1945 in Berne, Indiana) is en US-amerikaansch Chemiker un Nobelpriesdräger.

Schrock hett de High School in San Diego besöcht un studeer an de University of California in Riverside un kreeg dor 1967 sien Bachelor of Science. 1971 hett he sien Doktertitel an de Harvard University maakt. Ansluutend weer he een Johr an de University of Cambridge un dree Johr bi de Chemiekonzern DuPont.

Siet 1975 arbeit he an dat Massachusetts Institute of Technology un is siet 1980 Perfesser. Siet 1989 hett he den Frederick-G-Keyes-Lehrstuhl vun dat MIT inne. Schrock is Liddmaat vun de American Academy of Arts and Sciences (1989), dr National Academy of Sciences (1992) un de Royal Society (2008).

Schrock is Mitgrünner un Upsichtsraat liddmaat vun XiMo AG, en in de Swiez ansässig Ünnernehmen, dat up de Entwicklung un Anwennen vun eegen Metathesekatalysatoren konzentreert is.

Richard Schrock is verheiraadt un hett twee Kinner.

Schrock forscht up dat Rebeet vun de Organometallchemie, de synthetisch Chemie, de anorgaansch Chemie, över Katalysatoren un Polymere. In' Speziellen forscht he an Katalysatoren för de Olefinmetathees un de Ringöffnungsmetathees-Polymerisatschonen. 1990 gelung hüm dat en bannig reaktiven Katalysator för de Olefinmetathees to entwickeln, de mit eenig funktschonellen Gruppen verträglich ist. De Metatheeskatalysatoren ut den Arbeitskring vun Robert Grubbs, de so nömmt Grubbs-Katalysatoren, sünd woll weniger reaktiv, aber mit meest all funktschonellen Gruppen verträglich. Dorum wurrn se in de orgaansch Synthese fakener bruuklt.

In' Oktober 2005 wurr he tosommen mit Yves Chauvin un Robert Grubbs för sien Bidrääg to den „Entwicklung vun de Metatheesmethood in de orgaansch Synthese“ mit den Nobelpries för Chemie uttekent. 2013 kreeg he de Ehrendokterwürde vun de RWTH Aken^[1]

Richard Royce Schrock. Mehr Biller, Videos oder Audiodateien to’t Thema gifft dat bi Wikimedia Commons.

• Schrock up de Sieden vun den Nobelpries (engelsch)
• Schrock sien Siet bi dat MIT (engelsch)
• MIT chemistry professor Richard Schrock wins Nobel Prize, Biographische Notizen bi dat MIT (engelsch)

1. ↑ RWTH Aachen: RWTH-Ehrendoktorwürde für Nobelpreisträger