Lucien Storme

Lucien Storme (* 18. Juni 1916 in Nieuwkerke; † 10. April 1945 in Siegburg) weer en belgisch Radrennfohrer.

Lucien Storme weer Profi-Radrennfohrer van 1937 bit 1942. De gröttste Erfolg in sien Loopbahn weer sien Sieg 1938 bi Paris–Roubaix. 1939 is he bi de Tour de France antreeden, wunn en Halfdeelstreck, hett aber later upgeven.

Wiel wiels den Tweeten Weltkrieg de Verdeenstmögelkeiten för Beropsradrennfohrer meest nich recken deen, um to Överleven, fung Storme an, Tabak un Benzin över de Grenze nah Frankriek to smuggeln. 1942 wurr he deswegen verhaft un seet af März 1943 in dat Gefängnis van Siegburg in Düütschland in. An' 10. April 1945 hemm de US-amerikaansch Truppen de Stadt reckt, un Storme wurr in de Wirren van dat Befreen ut Versehns van en GI dood schaaten, de hüm för en düütschen Suldaten hollen harr, de sien Wappen trecken wull.

• Raymond Six: Het leven en wielercarrière van Flandrien Lucien Storme, 2005, hrsg. v. Gemeentebestuur Nieuwkerke

• Lucien Storme in de Datenbank van Radsportseiten.net
• Lucien Storme in de Datenbank van de Tour de France
• Websteed över Lucien Storme (MS PowerPoint; 7,1 MB)
• Gedicht över Storme in „De Helden van de Tour“