Heinrich Roiss

Heinrich Roiss (* 3. Juni 1927 in Wien; † 29. April 1959 an de Dhaulagiri) weer en öösterrieksch Bargstieger un en vun de dree Lüüd, de as Eerste op de Haramosh (7409 Meter) in’t Karakorum ropstegen sünd.

Heinrich Roiss weer en vun de best Wiener Bargstieger vun de Tiet nah den Tweeten Weltkrieg. 1956 nehm he mit Fritz Moravec an de Naturfreunde-Expedition to’n Gasherbrum II deel. 1958 weer he Baas vun de Expeditschoon to’n Haramosh, an de Roiss, Dr. Franz Mandl, Stefan Pauer, Dr. Rudolf Hammerschlag un Rudolf Ebner deelnehmen. Tosommen mit Pauer un Mandl stunn he nahdem se en söben Kilometer lang Iesgraat överwunnen harrn, an 4. August 1958 baven up den Haramosh. 1959 weer Roiss Liddmaat vun en vun Fritz Moravec anföhrt öösterrieksch Expeditschoon, mit de se as eerst den Dhaulagiri ropstiegen wullen. An’ 29. April 1959 is Roiss storven, nahdem he in en Gletscherspalt dicht bi dat Lager II stört weer. He wurr an de Dhaula-Himal up den Weg to de so nömmt „Franzosenpass“ begraben. Siet 1964 is de Roißgasse in Mauer (Wien) nah Heinrich Roiss nömmt. Up den Schneeberg gifft dat en Gedenksteen, de an Roiss erinnert.

• Fritz Moravec, Dhaulagiri. Berg ohne Gnade, Wien, Österr. Bundesverlag 1960
• Karl Jettmar, Bronze Axes from the Karakoram. Results of the 1958 Expedition in Azad Kashmir, (Proceedings of the American Philosophical Society, Vol. 105, No. 1, Feb. 28, 1961, S. 98-104)
• Alpinismus in Wien, hrsg. v. Peter Sova, Wien, Verlag Jugend & Volk, 1999, ISBN 3-7100-0393-8