Huudflunken

Huudflunken; Huudflögels
Systematik
Domään: Eukaryota ahn Rang: Veelzellers (Metazoa) Afdeel: Geweevdeerter (Eumetazoa) Ünnerafdeel: Tweesiedendeerter (Bilateria) ahn Rang: Ehrdermünner (Protostomia) Böverstamm: Huututtreckers (Ecdysozoa) Stamm: Liddfööt (Arthopoda) Ünnerstamm: Tracheendeerter (Tracheata) Böverklass: Sessfööt (Hexapoda) Klass: Insekten (Insecta) Böverornen: Neeflunken (Neoptera) Ornen: Huudflunken (Hymenoptera)
Wetenschoplich Naam
Hymenoptera
Linnaeus, 1758

De Huudflunken oder Huudflögels (Hymenoptera, vun ooldgr. hymen: Huud un pteron: Flunk),) sünd en Ornen mank de Insekten. As de Kävers, de Bottervagels un de Tweeflunken stellt se een vun de veer „megadiversen“ Insektenornens dor. Dor höört bi 156.000 Aarden ut 132 Familien to.^[1]Se weert as en ökoloogsche „Slötelgrupp“ ankeken for meist all Ökosysteme up’e Eer un bedüüdt dor unbannig veel for de Struktur un de Funktschoon. Dat liggt dor an, datt se wichtig sünd for dat Bestüven vun Planten (Immen), vunwegen ehre Dichtheit un schiere Biomasse, an de annere Deertergruppen faken nich rankaamt (Iemecken), un ok, vunwegen datt se inwarkt up all annere Insekten un de ehre Populatschoon faken ingrenzen doot (Leggimmen). To de Huudflunken weert de meisten eusozialen Insektenaarden torekent, de Staten billen doot.

De Huudflunken weert in düsse Gruppen unnerdeelt:

• Unnerornen Pflantenwöpsen (Symphyta); keen natüürliche Grupp (Monophylum), man en Tosamensluss vun verscheden Lienen
• Unnerornen Kneepwöpsen (Apocrita); bi all Aarden is dat Achterlief insnöört
  • Deelornen Leggimmen (Terebrantia)
  • Deelornen Steekimmen (Aculeata)

Huudflunken. Mehr Biller, Videos oder Audiodateien to’t Thema gifft dat bi Wikimedia Commons.

1. ↑ Aguiar, A. P.; Deans, A. R.; Engel, M. S.; Forshage, M.; Huber, J.; Jennings, J. T.; Johnson, N. F.; Lelej, A. S.; Longino, J.T.; Lohrmann, V.; Mikó, I.; Ohl, M.; Rasmussen, C.; Taeger, A.; Yu, D. S. 2013: Order Hymenoptera. In: Zhang, Z.-Q. (Ed.) Animal Biodiversity: An Outline of Higher-level Classification and Survey of Taxonomic Richness (Addenda 2013). Zootaxa 3703: 51-62. doi:10.11646/zootaxa.3703.1.12 PDF