Charles de Foucauld

Charles Eugène Vicomte de Foucauld („Broder Karl vun Jesus“, * 15. September 1858 in Straßborg; † 1. Dezember 1916 in Algerien) weer Offzier, Mönk bi de Trappisten un kathoolschen Preester.

He keem ut en rieke Familie ut den Adel. Siene Öllern sünd fröh storven. Mit siene Suster Marie is he vun'n Grootvadder uptagen wurrn. In sien Schooltiet up'n Gymnasium hett he sien Gloven verloren un wenn sik vun de Kark af. Later is he Offzier wurrn. Bekannt wurrn is he vunwegen siene gefährliche Reise dör Marokko (1883-84). De möök em beröhmt. Vunwegen den Kontakt mit den Islam fraag he nu wedder na Gott. As he 28 Johr oolt weer, wenn he sik wedder na den christlichen Gloven hen. He hett dor later över schreven: „In den Momang, as ik begrepen hebb, dat dat Gott gifft, dor weer mi kloor: Ik konn nu nix anners mehr maken, as för em to leven“.

He is denn 1890 Liddmaat in den Oorden vun de Trappisten wurrn un bleev dor bit 1897. In'n Februar is he dor uttreden. Dat Leven bi de Trappisten weer em nich streng noog. Vun 1897 bit 1900 leev he ganz för sik bi de Klarissen in Nazaret. 1901 is he denn Preester wurrn.

He güng na de Sahara in Algerien. Toeerst leev he dor in de Oase Beni Abbès un later in Tamanrasset un in de Hoggar-Bargen. Dor leev he midden mank de Moslems un wünsch sik, he müch „de Broder vun all Minschen“ ween un en Bild vun Jesus Christus siene Leev mank de lüttjen Lüde, mank de Armen un de, de gor keen Christen sünd. An'n 1. Dezember 1916 is he bi en Roovöverfall dootschaten wurrn.

• Reconnaissance au Maroc 1883-1884. Paris 1888, 2 Bn. Neeuplaag Paris 1995 ISBN 2-7307-0262-8
• Chants touaregs. Recueillis et traduits par C. de. Foucauld. Rutgv. vun Dominique Casajus, Paris 1997. [1]
• Dictionnaire touareg-francais. Rutgv. v. R. Basset, Paris 1951-52, 4 Bn.
• mit Anatole de Calassanti-Motylinski: Textes touaregs en prose. Rutgv. v. R. Basset, Paris 1922.
• Textes touaregs en prose. Rutgv. v. S. Chaker, H. Claudot u. M. Gast, Aix-en-Provence 1984.

• René Bazin, Charles de Foucauld: Explorateur du Maroc, ermite au Sahara. Montrouge 2004 (toeerst 1921 u. 1948) ISBN 2-85313-441-5
• Barbara Bürkert-Engel: Charles de Foucauld, Christliche Präsenz unter Muslimen. Analyse und kritische Auseinandersetzung mit einer Islamrezeption in Biographie und Nachlass. in Christentum und Islam im Dialog. Band 1, Mönster 2000, ISBN 3-8258-4873-6. (düütsch)
• Hans Conrad Zander: Gottes unbequeme Freunde, Heilige für unsere Zeit. Gruner + Jahr, Hamburg 1982, ISBN 3-570-04724-5. (Sieten 196-220, hoochdüütsch)

Up Platt is nix vun un över de Foucauld rutkamen.

• Internatschonale Websteed över Charles de Foucauld (fr.)
• Websteed över Charles de Foucauld (dt.)
• Charles de Foucauld sien Leven (dt.)
• Kort över Charles de Foucauld sien Leven (dt.)
• Gemeenschoppen, de wat mit Charles de Foucauld to kriegen hefft (dt.)
• Charles de Foucauld et les Touaregs, 1996 (fr.)
• Chants touaregs. Recueillis et traduits par Charles de Foucauld. Paris, Albin Michel, 1997 (fr.)
• Charles de Foucauld et les Touaregs, Rencontre et malentendu, Terrain 28, 1997 : 29-42 (fr.)
• Lettres au marabout. Messages touaregs au Père de Foucauld. Paris, Belin, 1999 (fr.)
• René Bazin et Charles de Foucauld : un rendez-vous manqué ?, Impacts 2-4, 2000 : 139-153 (fr.)