Achernar

Achernar
Achernar (α Eridani) is de Steern an’t ünnerste Enn vun’t Steernbild Eridanus
Positschoon un Beteken
Steernbild	Eridanus; Eri
Rektaszension	1h37m42,85s[1]
Deklinatschoon	-57°14′12,3″[1]
Annere Naams	–
Bayer-Beteken	α
Córdoba-Dörmustern	CD −57° 316
Bright-Star-Kataloog	HR 472
Henry-Draper-Kataloog	HD 10144
SAO-Kataloog	SAO 232481
Tycho-1-Kataloog	TYC 8478-1395-1[2]
Hipparcos-Kataloog	HIP 7588[3]
2MASS-Kataloog	2MASS J01374284-5714119[4]
Physikaalsch Parameter
Afstand	143,8 ± 3,6[1] Lj
schienbore Helligkeit	+0,50[1]
Spektralklass	B3 Vpe[1]
Sünnerheiten

Achernar, ok bekannt as α Eridani, is de hellste Steern in’t Steernbild Eridanus un een vun de teihn hellsten Steerns an’n helen Himmel. Man, he stieht so wiet in’n Süüden, dat he vun Europa ut nich to sehn is.

Achernar is 2003 vun’t Very Large Telescope Interferometer (VLTI) beobacht worrn. Dorbi hett sik wiest, dat de Steern dör sien hoge Rotatschoonssnelligkeit vun tomindst 230 km/s bannig afplatt is. De akkerate Weert vun de Rotatschoonssnelligkeit hangt aver vun de Utrichten vun de Rotatschoonsass af, de nich nipp un nau bekannt is. Sien Dörmeter an’n Äquater is tomindst dat annerhalffacke vun’n Dörmeter an’n Pool^[5], also de Afplatten bedriggt 1:3 oder noch mehr.

De Naam vun’n Steern, araabsch araabsch: آخر النهر‎, DMG āḫiru ʾn-nahr, kummt ut dat Ooltaraabsche un bedüüt „dat Enn vun’n Stroom”, vun wegen dat he dat süüdliche enn vun dat vun den Stroom Eridanus markeert. He keem an de Steed vun Acamar (θ(1) Eridani), de dat Enn vun den Stroom in ptolemäisch-greeksche Tarditschoon markeert un dat glieke bedüüt. In de Antike, ruchweg 1500 v.Chr., leeg Achernar wegen de Präzession op en Deklinatschoon vun −76° un künn ok in Ägypten nich beobacht warrn, wiel de nöördlichere Acamar op Kreta jüst so över den Horizoont kieken de.

De laatantiken-fröhmiddelöllerlichen Seefohrers ut Lüttasien hebbt em op jemehr Afrika-Fohrten wohrschienlich as Markeren bruukt. Dat gifft ok beduiensch-araabsche Dorstellen vun Achernar un Fomalhaut as en Poor Straußen^[6]. De Steern Achernar wannert ok in de nächsten Johrdusenden wieter na Noorden hen. In fiefhunnert Johren warrt he den Horizont vun Kreta överstiegen. un twüschen 7900 bit 10500 n.Chr. kann he denn sogors ok in Düütschland beobacht warrn. Dorna wannert he denn wedder na Süden.

Na den Steern sünd de Mount Achernar un Achernar Island in de Antarktis nöömt

Achernar. Mehr Biller, Videos oder Audiodateien to’t Thema gifft dat bi Wikimedia Commons.

• http://stars.astro.illinois.edu/sow/achernar.html

1. ↑ ^{a b c d e} SIMBAD-Datenbank
2. ↑ Tycho-1-Kataloog
3. ↑ Hipparcos-Kataloog
4. ↑ 2MASS-Kataloog
5. ↑ ESO press release: Flattest star ever seen
6. ↑ Jan Ridpath: Startales. The Celestial Eighty-eight. Eridanus. The River