Wieringermeer

	Veurmaolige gemeente Wieringermeer
	; Lokasie van de veurmaolige gemeente Wieringermeer
	Informasie
Provinsie	Noord-Holland
Heufdplaotse	Wieringerwarf
	Geografie en bevolking
Oppervlakte; - Laand; - Waoter	309,37 km²; 206,57 km²; 102,70 km²
Antal inwoeners; Inwoeners per km²	12.624 (1 juli 2006); {{{dichtheid}}} inw./km²
Koordinaten	52° 51′ N, 5° 2′ O
	Overig
Netnummer	0227
Poskodes	1770-1775
	Op-egaon in Hollaands Krone

Wieringermeer (Westfries: Wirringermar) is ne polderstreake en veurmoalege gemeente in den kop van de Nederlaandse previnsie Noord-Hollaand en had ne oppervlaakte van 309,37 km² (woarvan 102,70 km² water). Et veurmoalege eilaand Wieringen heurt neet bi-j de gemeente. Wieringermeer is de dunstbevolkte gemeente op et Nederlaandse vastelaand.

Sinds 1 jannewoari 2012 is Wieringermeer op-egoan in de gemeente Hollaands Krone.

Darpen in de veurmoalege gemeente

Darpen:

Kreileroord
Slootdarp (Sloôtdurp of Sloetdurp)
Middenmeer (West-Fries: Middelmeer of Westfries: Middelmare)
Wieringerwarf (Wirringerwurf) (gemeentehoes)

Geskiednis

Den polder was rundum et joar 1000 nog gewoon laand, der was in dee tied meer laand as noe. Neet helemoal dudelek is of et beheurden bi-j den gouw Texla, of dat Wiron nen aparten gouw was. Deur de stormen van under aandere de 12de eeuwe was et gebeed under water kommen te stoan en onderdeel van de zee ewödden. De streumgeulen van et Ulkedeep en Amsteldeep lepen deur et gebeed. Dizzen wierden al in 1924 af-eslotten mit nen diek den et eilaand Wieringen verbond mit et vastelaand. Mit den anleg van den Wieringermeerpolder wierd in 1927 anvang enommen. Et dreugemaakn deden zi-j mit een elektries gemoal, noabi-j Medemblik, den anvang van de bouwwarkzaamheden was in februari 1928. Ten zuden van Den Oever is gemoal Leemans ebouwd, n dieselgemoal mit 'n tweetal pumpe mit ne debiet van 250 m³/minuut. Gemoal Lely had dree pumpen van 400 m³ elk. Op 10 februari 1930 wierden de pumpen in gebruuk esteld om 6 miljoen m³ water buten de dieken te kriegen.

Volgens et eurspronkeleke plan zol den polder pas wödden an-elegd as den Afsluitdiek kloar zol wean. Moar umdat Nederlaand ne grote behoofte had an laandbouwgrond wierd den anleg versneld. Den diek mös noe in de Zuderzee wödden an-elegd, en mös ok zwoarder wödden uutevoerd. Den polder was feitelek gene Iesselmeerpolder, moar ne Zuderzeepolder (den zogeneumden Noordwestpolder). Op 21 augustus 1930 veel den polder dreuge. Vanof 1934 wierd et ni-je laand in kultuur enommen. De uutgifte van laand verleep hierbi-j veur et eerst deur de ovverheid. Dizze wol de problemen zoas ontstoan in de eerste joaren noa de dreugelegging van den Haarlemmermeerpolder veurkommen (veural partikulier initiatief, woarbi-j veul armoo bestond en zelfs malaria uutbrak). De kavelgreuttes veur ni-je boern wierden deur de machtege Wieringermeerdirektie bepoald op 20 bunder en uut-egeven deur n pachtsysteem. De darpen wierden net as de boerderi-jen gepland an-elegd. Doarbi-j begonnen de leu eerst met de kleine darpen, woarbi-j de gedachte gold dat dizzen neet te groot mochten wödden, umdat in grote darpen de warkleu te völle macht zol können kriegen en et doordeur "breujnesten van terroristiese aktiviteiten" konden wödden.

Uutgoande verwiezingen

Dit artikel is eskreaven in et achterhooksk.