Velp (Gelderlaand)

Velp is een darp in de gemeente Rheden in de Nederlandse previnsie Gelderlaand. Et grenst zowal an de plaetse Rheden en Rozendaal (gemeente Rozendaal) as an de stad Arnem. Velp hef 17.723 inwonners (2013) en hef ne oppervlaakte van rundumme 11,01 km². De autobane A12 vormt de scheidingsliene tussen Arnem en Velp. Aandere belangrieke verkeersoaders bunt de A348 en de N785. Velp wöd deurkruust deur de spoorliene Arnem-Zutfent. Ten noorden van dizze spoorliene bevindt zich greune, röstege villawieken terwiel Velp-Zuud wödt kenmarkt deur meer opgoande, eenvoldige huze.

In 1812 wierd Velp van de gemeente Rheden of-esplitst en samen-evoogd mit et darp Rosendaal tot ne ni-je gemeente Velp. In 1818 wierd dit wier ongedoan emaakt en wierd Velp trög enommen in de gemeente Rheden. Rosendaal ging wieter as zelfstaandege gemeente en hef den staotus tot in de hudege tied wetten te beholden ^[1]

In 1851 wierd in Velp nen skat op-egroaven, bestoande uut Merovingiese golden kunstveurwarpen. Den skat wierd verkocht an Prusen. In 1945 wödden zi-j uut Berlien met-enommen deur den Russiesen bezettingsmacht. Vanof dee tied ligt ze in et museum van Moskou.

• Kaarte van de gemeente in 1868
• Wiekplatform Velp-Zuud

1. ↑ Bronne: Ad van der Meer and Onno Boonstra, "Repertorium van Nederlandse gemeenten", KNAW, 2006

Gemeente Rheden
Darpen: Dieren · Ellekum · Laeg-Soeren · Rheden · Spankeren · De Steeg · Velp