Parthenope

Parthenope (ouk wal Palaeopolis, oldgreeksk vöär Olde Stad) was ne name vöär ne stad in de oldgreekske tyd wat in et gebeed rund et hüdige Napels leade. De name parthenope kümt van de Sirene Parthenope, en figuur uut de greekske mytology. See solde by disse stad an land espööld weasen.

Parthenope wör bouwd up de höävel Pizzofalcone (ouk wal Monte Echia of Monte di Dio nöömd) en up et kleine eiland Megaride, wat kort uut de küste ligt. De stad leade in wat nu staddeyl San Ferdinando heat. Parthenope was de eyrste vöärganger van de hüdige stad en wör rund et jår 700 vöär Kristus stichted döär greekske kolonisten van Rhodos in Grekenland.

Rund et jår 500 v. Kr. bouwden se up et noordousten van Parthenope ne tweyde greekske stad, wat se Neapolis (Nye Stad) nöömden. Vanaf dee tyd nöömden se Parthenope ouk Palaeopolis (Olde Stad).