Estadio Centenario

Estadio Centenario huwa stadju f'Montevideo, l-Urugwaj, li jintuża prinċipalment għall-futbol. L-istadju ġie mibni bejn l-1929 u l-1930 sabiex jospita l-edizzjoni inawgurali tat-Tazza tad-Dinja u wkoll sabiex jikkommemora l-ewwel kostituzzjoni tal-Urugwaj. Fl-1983, il-FIFA iddikjaratu bħala l-ewwel Monument Storiku tal-Futbol Dinji, u sal-lum il-ġurnata huwa l-unika bini li qatt ingħata dan ir-rikonoxximent.^[1]

Estadio Centenario huwa l-istadju nazzjonali tal-Urugwaj u fejn it-tim nazzjonali jilgħab il-logħbiet tiegħu.

Il-bini tas-Centenario huwa fost wieħed mill-iktar fażijiet importanti fl-istorja tal-iżvilupp tal-futbol fl-Amerika t'Isfel u fid-dinja. Mibni fiż-żmien ta' disa' xhur minn ħaddiema immigranti għat-Tazza tad-Dinja tal-1930, l-isem tiegħu oriġina bħala ċelebrazzjoni mill-mitt sena tar-ratifika tal-ewwel kostituzzjoni tal-pajjiż.

Għall-bidu, il-logħbiet kollha tat-Tazza tad-Dinja kellhom jitlagħbu fis-Centenario. Madanakollu, xita qawwija f'Montevideo tawlet il-bini tal-istadju. Għalhekk numru ta' logħbiet intlagħbu fl-Estadio Pocitos ta' Peñarol u l-Estadio Gran Parque Central ta' Club Nacional. L-inawgurazzjoni tiegħu saret fit-18 ta' Lulju 1930 b'logħba bejn l-Urugwaj u l-Perù, li l-ospiti rebħu b'gowl ta' Héctor Castro. Il-finali tat-Tazza tad-Dinja bejn l-Urugwaj u l-Arġentina saret f'dan l-istadju, bl-Urugwajani joħorġu rebbieħa 4–2.

Minn dakinhar, is-Centenario intuża għal numru ta' edizzjonijiet tal-Copa América, il-Kampjonat Sud-Amerikan tal-Futbol ta' taħt l-20 sena, il-Kampjonat Sud-Amerikan tal-Futbol ta' taħt is-17-il sena u l-Mundialito tal-1980.

Il-Centenario għandu forma ellittika u huwa maqsum f'erba' sezzjonijiet, kull waħda minnhom iddedikata għal tragward partikulari tat-tim nazzjonali Urugwajan (minbarra t-Tazza tad-Dinja mirbuħa f'dik is-sena):

• It-Tribuna Olimpica hija msemmija għall-fatt li fl-1930 l-Urugwaj kienu ċampjins Olimpiċi renjanti tal-futbol
• It-Tribuna Colombes, fuq in-naħa leminija tal-Olimpica, hija msemmija wara l-komun ta' Colombes fi Franza, fejn fid-9 ta' Ġunju 1924 l-Urugwaj għelbu lill-Iżvizzera 3–0 biex rebħu l-midalja tad-deheb fl-Olimpjadi ta' Pariġi
• It-Tribuna Amsterdam, fuq in-naħa xellugija tal-Olimpica, hija msemmija għall-belt fejn fit-13 ta' Ġunju 1928 l-Urugwaj għelbu lill-Arġentina biex rebħu t-tieni midalja tad-deheb fl-Olimpjadi ta' Amsterdam
• It-Tribuna América, faċċata tal-Olimpica, hija msemmija għall-fatt li fl-1930 l-Urugwaj kienet l-iskwadra l-iktar titolata fil-kontinent tal-Amerika t'Isfel

L-Estadio Centenario ospita fih għaxar logħbiet tat-Tazza tad-Dinja tal-1930, fosthom is-semifinali u l-finali.

Data	Ħin	Tim Nru. 1	Riżultat	Tim Nru. 2	Fażi	Attendenza
18 ta' Lulju 1930	14:30	Urugwaj	1–0	Perù	Grupp 3	57,735
19 ta' Lulju 1930	12:50	Ċili	1–0	Franza	Grupp 1	2,000
19 ta' Lulju 1930	15:00	Arġentina	6–3	Messiku	Grupp 1	42,100
20 ta' Lulju 1930	13:00	Brażil	4–0	Bolivja	Grupp 2	25,466
20 ta' Lulju 1930	15:00	Paragwaj	1–0	Belġju	Grupp 4	12,000
21 ta' Lulju 1930	14:50	Urugwaj	4–0	Rumanija	Grupp 3	70,022
22 ta' Lulju 1930	14:45	Arġentina	4–1	Ċili	Grupp 1	41,459
26 ta' Lulju 1930	14:45	Arġentina	6–1	Stati Uniti	Semifinali	72,886
27 ta' Lulju 1930	14:45	Urugwaj	6–1	Jugożlavja	Semifinali	79,867
30 ta' Lulju 1930	14:15	Urugwaj	4–2	Arġentina	Finali	68,346

• Sit uffiċjali

Koordinati: 34°53′39.8″S 56°9′10.1″W / 34.894389°S 56.152806°W / -34.894389; -56.152806