Jan Hus

Jan Hus (Husinec, Boémia de l Sul, 1369 - Custança, 6 de Júlio de 1415) fui un pensador i reformador relegioso. El ampeçou un mobimiento relegioso baseado nas eideias de John Wycliffe. Ls sou seguidores quedórun coincidos cumo ls Hussitas. La eigreija católica nun perdonou esss rebeliones i el fui squemungado an 1410. Cundeanado pul Cuncílio de Custança, fui queimado bibo.

Un precursor de l mobimiento protestante (ber: Reforma Protestante), la sue stensa obra scrita dou-le un amportante papel na stória lhiterária checa. Tamien ye respunsable pula antroduçon de l uso de acientos na léngua checa por modo a fazer correspunder cada sonido a un simblo solo. Hoije an die la sue státua puode ser ancuntrada na praça central de Praga, la Staroměstské náměstí (Praça de la Cidade Bielha).