Глицин

Глицин^[1]

Назив според МСЧПХ Glycine 2-Aminoacetic acid
Назнаки
CAS-бр.	56-40-6 Н
Кратенки	Gly, G
ChemSpider	730
3Д-модел (Jmol)	Слика
PubChem	750
SMILES NCC(O)=O
Својства
Хемиска формула
Моларна маса	0 g mol−1
Густина	1,1607 g/cm3
Точка на топење
Растворливост во вода	25 g/100 mL
Дополнителни податоци
Освен ако не е поинаку укажано, податоците се однесуваат на материјалите во нивната стандардна состојба (25 °C, 100 kPa)
Наводи

Глицинот (со ознаки Gly или G) е алфа аминокиселина со хемиска формула NH₂CH₂COOH. Тоа е најмалата од 20 аминокиселини најдени како составни делови на белковините, кодирана со кодоните GGU, GGC, GGA и GGG. Глицинот е единствен меѓу белковинообразувачките аминокиселини по тоа што не е хирален. Повеќето белковини содржат само мали количини на глицин. Забележлив исклучок е колагенот, кој содржи околу 35% глицин. Во својата цврста, т.е. кристализиран облик, глицинот е супстанца со сладок вкус.

Глицинот се добива по индустриски пат на два начина. Првиот е со реакција меѓу хлороводородна киселина и амонијак:

ClCH₂COOH + 2 NH₃ → H₂NCH₂COOH + NH₄Cl

Вториот начин е со Штрекеровата синтеза на аминокиселини.

Глицинот не е есенцијална аминокиселина. Кај животните, тој се синтетизира од аминокиселината серин, која пак се добива од 3-фосфоглицератот. Кај повеќето организми, ензимот серин хидроксиметилтрансфераза ја катализира оваа претворба со отстранување на еден јаглероден атом; за ова е потребен и пиридоксал фосфат:

Серин + тетрахидрофолат → Глицин + N⁵,N¹⁰-Метилен тетрахидрофолат + H₂O

Во црниот дроб на ‘рбетниците, синтезата на глицинот е катализирана со глицин синтаза (ензим кој уште се нарекува и раскинувач на глицин). Оваа претворба е повратна:

CO₂ + NH₄⁺ + N⁵,N¹⁰-Метилен тетрахидрофолат + NADH + H⁺ → Глицин + тетрахидрофолат + NAD⁺

• Глицинот е градбен блок на многу природни супстанци. Кај вишите еукариоти, D-Аминолевулинска киселина, клучниот претходник во синтезата на порфирините, се биосинтетизира од глицинот и сукцинил-КоА.
• Глицинот е инхибиторен невротрансмитер во централниот нервен систем, особено во ‘рбетниот мозок, мозочното стебло и мрежницата. Кога се активираат глицинските рецептори, хлоридот влегува во невроните преку јонотропните рецептори, предизвикувајќи инхибиторен постсинаптички потенцијал (ИПСП).

п р у Протеиногени аминокиселини Општи поими Белковина Пептид Генетски код Според својства Алифатични Валин Изолеуцин Леуцин Метионин Аланин Пролин Глицин Ароматични Фенилаланин Тирозин Триптофан Хистидин Поларни, без полнеж Аспарагин Глутамин Серин Треонин Позитивен полнеж (pKa) Лизин (≈10.8) Аргинин (≈12.5) Хистидин (≈6.1) Негативен полнеж (pKa) Аспарагинска киселина (≈3.9) Глутаминска киселина (≈4.1) Цистеин (≈8.3) Тирозин (≈10.1)