Timur Lenk

Temür
amir
Ilustrasi era Timuriyah Emir Timur
Bakuaso	1370–1405
Panobatan	1370, Balkh
Pandaulu	Amir Hussain
Panaruih	Khalil Sultan
Lahia	1320–1330 Kesh, Kekhanan Chagatai (sekarang Uzbekistan)
Maningga	18 Februari 1405 Otrar, Sungai Syr Darya (sekarang Kazakhstan)
Pamakaman	Gur-e Amir, Samarkand
Wangsa	Barlas Timuriyah
Ayah	Muhammad Taraghai
Mandeh	Tekina Mohbegim
Pasangan	Saray Mulk Khanum
Agamo	Islam

Timur Lenk (1336 – 14 Februari 1405) (Baso Turki Chagatai: تیمور Tēmōr, "basi"), juo disabuik sabagai Temur, Taimur, atau Timur i Leng, nan artinyo Timur si Pincang, karano kaki kidanyo nan pincang sajak lahia adolah surang penakluk  panguaso islam sunni^[1] katurunan Turki-Mongol dari wilayah Asia Tangah, nan tasabuik pado abaik ka-14, tarutamo di Rusia selatan jo Persia.

Timur dilahiakan di Kesh (kini banamo Shahr-i-Sabz, 'kota hijau'), nan talatak kurang labiah 50 mil di subalah selatan kota Samarkand di Uzbekistan.

Ayahnyo banamo Teragai nan marupokan katua kaum Barlas. Baliau adolah cicit dari Karachar Nevian (manti dari Chagatai Khan, anak Jenghis Khan sakaliguih komandan pasukan tampuanyo), jo Karachar nan tanamo di antaro kaumnyo sabagai nan partamo mamaluak agamo Islam. Teragai mungkin sajo mawarihi pangkek nan tinggi di bidang katantaraan; tatapi sarupo ayahnyo Burkul, inyo manyukoi kahidupan baragamo jo baraja.

Di bawah bimbiangan nan elok, Timur kutiko baumua duo puluah taun indak sajo mahir dalam kagiatan-kagiatan lua ruangan, tatapi juo mampunyoi reputasi sabagai pambaco Al-Quran nan takun. Pado maso itu, inyo dikatokan alah manunjuakkan sifaik-sifaik nan ramah jo mudah basimpati.

Timur marupokan surang muslim nan mangagumi tarikaik  Naqsabandiyah nan bakambang di wilayah Transoxiana.[2] Di kota Tirmidz,  Timur mandapek pandidikan agamo islam dari Sayyid Baraka nan juo marupokan surang ulama jo Ahlul Bayt.[3][4][5] Akan tatapi, ulama nan manjadi panasihaik bidang kaislaman dari Kakaisarannyo kalak adolah Abdul Jabar Khwarazmi, nan marupokan surang Sunni Mazhab Hanafi.[6][7]

Timur Lenk maabihkan waktunyo salamo 35 taun dalam babagai paparangan dan ekspedisi. Didukuang pasukan Turki nan loyalis jo tokoh-tokoh Muslim sarato ulama,  Timur pun malakukan paluehan kakuasaan. Inyo dikana sabagai surang tantara nan pandai. Kariernyo di bidang militer nan gamilang alah maantakannyo untuak mandirikan Dinasti Timuriyah di kawasan Asia Tangah. Kabaranian dan ketangguhannya dalam berekspansi jo mamimpin alah bakontribusi bagi pakambangan paradaban Islam. Inyo dijuluaki sabagai sang panakluak. Pamimpin nan dikana mamiliki pahatian gadang tahadok panyabaran Islam iko banamo  Timur Lenk atau Timurlane. Rajo Dinasti Timuriyah patamo itu lahia di kota Kish, sakita 80 km sabalah selatan Samarkand, Provinsi Transoksania.  Timur adolah katurunan Mongol-Turki.  Timur masih katurunan Jengiz Khan, pamimpin bangso Mongol Raya.

Malalui memoarnyo, Timur bacurito, "Ayah ambo bakat bahasonyo kami adolah katurunan dari Abu Al-Atrak (bapak Turki)." Dari silsilah itulah tarungkap bahasonyo Timur masih marupokan katurunan Moghul. Ayahnyo banamo Teragai, katua kaum Barlas. 

Timur tumbuah sabagai pemuda nan babakat. Dunia militer marupokan pilihan hiduiknyo. Inyo pun lalu bagabuang sabagai tantara pado panguaso satampek, Amir Husein.  Pado 1360 M,  Timur alah manjadi surang pamimpin militer termasyhua.  Timur dikenal sabagai komandan nan gigiah dalam mempatahankan wilayahnyo dari ancaman Tughluq  Timur Khan, penguaso Dinasti Chagatai.Katangguahan dan kahebatannyo mambuek panguaso Dinasti Chagatai takasan. Tuglaq lalu manawarkan sabuah jabatan kapado Timur manjadi pambantu utamo (wazir) Gubernur Samarkand, Ilyas.  Timur pun manarimo tawaran itu. Basamo Amir Husein ,  Timur lalu malakukan pambarontakan dan mangalahkan pasukan Tuglaq  Timur Khan hinggo mambuek Dinasti Chagatai jatuah.

Naluri militernyo nan ambisius mambuek Timur lalu barubah sikap. Inyo juo manyerang Amir Husein nan manjadi sekutunya. Sasudah pasukan Amir Husein ditaklukkan, Timur lalu mandirian Dinasti Timurid nan pusek di Samarkand pado 10 April 1370. Timur bakuaso salamo 35 taun dari tahun 1370 sampai 1405. Kehadiran Dinasti Timurid nan dipimpin Timur mandapek dukungan umaik Islam tarutamo ulama, Syaikh al-Islam, sarato para pamimpin tarikat berpengaruh. Dukungan itu diberikan tokoh Muslim dan ulama, dek Timur mambari paratian nan gadang untuak menyebarluaskan agamo Islam. Sabagai bantuak dukungan, para ulama dan pamimpin tarikat juo ikuik terlibat dalam pamarentahan Dinasti Timurid. Ada nan manjadi hakim, diplomat, sarato tutor kalangan bangsawan.

1. ↑ Maria E. Subtelny, ''Timurids in Transition: Turko-Persian Politics and Acculturation in Medieval Persia'', Vol. 7, (Brill, 2007), 201.
2. ↑ Beatrice Forbes Manz (25 March 1999). The Rise and Rule of Tamerlane. Cambridge University Press. pp. 17–. ISBN 978-0-521-63384-0.
3. ↑ "The Descendants of Sayyid Ata and the Rank of Naqīb in Central Asia" by DevinDeWeese Journal of the American Oriental Society, Vol. 115, No. 4 (Oct. – Dec., 1995), pp. 612–634
4. ↑ Four studies on the history of Central Asia, Volume 1 By Vasilij Vladimirovič Bartold p.19
5. ↑ Islamic art By Barbara Brend p.130
6. ↑ ^ Vasilij Vladimirovič Bartold. Four studies on the history of Central Asia, Volume 1. E.J. Brill; 1962. p. 19.
7. ↑ V.V. Barthold. Four Studies on Central Asia. E.J. Brill archives; 1956. p. 59.