Jamaika
Jamaika (Patois Jamaika: Jumieka) adolah sabuah nagara pulau nan talatak di Lauik Karibia. Mancakuik area salaweh 10.990 kilometer persegi (4.240 sq mi), iko adolah pulau tagadang ka tigo di Antillen Gadang jo Karibia (sasudah Kuba jo Hispaniola).[1] Nagara ko talatak di antaro garih lintang 17° jo 19°LU, sarato garih bujua 76° jo 79°B. Pagunuangan mandominasi bantuak nagara, takah pagunuangan Don Figuerero, Santa Cruz, jo May Day di barat, pagunuangan Dry Harbour di tengah, pagunuangan John Crow jo pagunuangan Biru di timur nan tadapek Puncak Gunuang Biru tatinggi di Jamaika, 2.256 m.[1][2] Salain tu, nagara dikaliliangi dek dataran pantai nan sampik.[3][1]
Jamaika punyo duo kota, nan patamo adolah Kingston, ibu kota jo pusek bisnis nan talatak di pantai selatan, jo nan kaduo adolah Taluak Montego, salah ciek kota paliang takenal di Karibia untuak pariwisata nan talatak di pantai utara. Palabuhan Kingston marupokan palabuhan alami tagadang katujuah di dunia.[4]
Politik Jamaika barado dalam karangko demokrasi parlementer jo monarki konstitusional.[1][2] Kapalo nagaranyo adolah Rajo Jamaika nan kini ko dipacik dek Rajo Charles III,[5] nan diwakiakan sacaro lokal dek Gubernur Jendral Jamaika.[6][1][2]
Parlemen Jamaika bikameral, tadiri dari Dewan Perwakilan Rakyat jo Senat. Anggota DPR dipiliah sacaro langsuang, dan manuruik gubernur jenderal nan paliang bisa mandapekan kayakinan mayoritas anggota DPR, mako diangkek manjadi Pardana Mantari. Senat dinominasikan basamo dek pardana mantari jo pemimpin oposisi di parlemen nan salanjuiknyo diangkek dek gubernur jenderal.[2]
Manuruik sensus 2011, panduduak Jamaika bajumlah 2.697.983 jiwa[7] nan dipakirokan naiak saketek di tahun 2018 manjadi 2.726.667 jiwa.[8] Aka etnis panduduaknyo nan baragam tacamin dalam moto nasional "Out of Many One People" (Dari Banyak, Satu Orang). Sabagian gadang dari panduduak pado pakiroan tahun 2018[1] adolah katurunan Afrika atau sabagian Afrika, jo banyak nan malacak asanyo ka nagara-nagara Afrika Barat Ghana jo Nigeria.[2][9] Wilayah niniak moyang utamo lainnyo adolah Eropa,[10] Asia Selatan jo Asia Timur.[11]
Rujukan
[suntiang | suntiang sumber]- ↑ a b c d e f "CIA World Factbook – Jamaica". Diarsipkan dari versi asli tanggal 11 January 2021. Diakses tanggal 29 July 2019.
- ↑ a b c d e "Encyclopedia Britannica – Jamaica". Diarsipkan dari versi asli tanggal 30 September 2019. Diakses tanggal 29 July 2019.
- ↑ "Geography of Jamaica". Jamaica Gleaner. Diarsipkan dari versi asli tanggal 18 May 2018. Diakses tanggal 11 October 2010.
- ↑ "Queen and Jamaica". The British Monarchy. Diarsipkan dari versi asli tanggal 20 September 2012.
- ↑ "The Monarchy Today: Queen and Commonwealth". Diarsipkan dari versi asli tanggal 7 June 2007. Diakses tanggal 25 June 2007.
- ↑ "Population Usually Resident in Jamaica, by Parish: 2011". Statistical Institute of Jamaica. Diarsipkan dari versi asli tanggal 26 February 2020. Diakses tanggal 2019-12-28.
- ↑ "Data Query Total Population by sex (thousands)". UNITED NATIONS/DESA/POPULATION DIVISION. Diarsipkan dari versi asli tanggal 19 September 2016. Diakses tanggal 18 April 2018.
- ↑ Richardson, David; Tibbles, Anthony; Schwarz, Suzanne (2007). Liverpool and Transatlantic Slavery. Liverpool University Press. p. 141. ISBN 978-1-84631-066-9. //books.google.com/books?id=IeM1rrKiQosC&pg=PAPA141.
- ↑ "Pieces of the Past:The Arrival of the Irish". Jamaica Gleaner. 1 December 2003. Diarsipkan dari versi asli tanggal 1 January 2011. Diakses tanggal 20 December 2010.
- ↑ Bouknight-Davis 2004, p. 83