Armadas da Índia

Ny Armadas da Índia dia andian-tsambo nahazo fanohanana ara-bola avy amin' ny Satroboninahitr' i Pôrtogaly (pôrtogey: Coroa Real de Portugal), ary nalefa isan-taona avy any Pôrtogaly ho any India. Io andian-teny io dia midika hoe "andian-tsambon' i India". I Goa no tena toerana haleha, fa taloha dia i Cochin. Ireo andian-tsambo ireo dia nanatanteraka ny Carreira da Índia ("hazakazaka mankany India") avy any Pôrtogaly, taorian' ny fahitana ny lalana an-dranomasina mandalo any Cape (izany hoe i Cape of Good Hope any amin' ny morontsiraka atlantikan' i Afrika Atsimo akehitriny), mankany amin' ny Zana-kôntinenta Indiana notanterahin' i Vasco da Gama tamin' ny taona 1497 hatramin' ny 1499.

Ny Armadas da Índia isan-taona no tena nitondra ny varotra zava-manitra teo amin' i Eorôpa sy Azia nandritra ny taonjato faha-16. Voahazona nandritra ny taonjato iray ny ampihimamba pôrtogey amin' ny Lalan' i Cape, mandra-paharavan' izany noho ny fifaninanana hôlandey sy anglisy tamin' ny fiandohan' ny taompolo 1600. Nihena ny lanjan' ny Armadas da Índia taorian' izay. Nandritra ny fibodoan' ny Neerlandey an' i Cochin sy ny fahirano nataon' ny Neerlandey an' i Goa dia natao ho fanarian-dia mahazatra ho an' ny Armadas ny seranan' i Bom Bahia, izay fantatra ankehitriny amin' ny anarana hoe Mumbai (na Bombay), any amin' ny ranomasina miala ny morontsiraky ny ilany avaratra amin' i Konkan,