Soekarno

Bung Karno lair nang Blitar Jawa Timur tanggal 6 Juni 1901, biyunge jenenge Ida Ayu Nyoman Rai utawa Ida Ajoe, kuwe putri sekang Bali sekang kasta Brahmana, kuwe kasta dhuwur. Raja kerajaan Singaraja sing terakhir kuwe paman biyunge bung Karno. Rama bung Karno kuwe wong Jawa, jenenge R. Sukemi Sosrodihardjo, esih keturunan Sultan Kediri. Bung Karno duwe mbekayu jenenge Sukarmini. Seliyane wong telu mau (rama, biyung karo mbekayu) ana maning sing jenenge Sarinah sing duwe pengaruh kuat nang batin Soekarno.

Wektu esih cilik jenenge Koesno, dheweke sekolah nang Sekolah Rakyat nang Surabaya, dadi pisah karo wongtuane kawit cilik. Nang Surabaya ngantek tamat HBS (Hoogere Burger School). Dheweke kos nang umah H. Oemar Said Tjokroaminoto, kuwe salah siji politisi kawakan sing mbangun Syarikat Islam. Rasa nasionalismene bangkit merga ben dina kerungu diskusi-diskusi politik nang umah tokoh Syarikat Islam kuwe terus akhire dadi ayah mertuane. Bung Karno nikah karo Siti Oetari, putri H. Oemar Said Tjokroaminoto taun 1921.()