Infeksi papilomavirus manossa
Infeksi papilomavirus manossa iyâ arèya virus sè nyerrang kolè' bân mèmbran mukosana manossa bân hèwân. Lebbi ḍâri 100 macemma papilomavirus manossa sè marè è identifikasiyyaghi.[1]
Human papilomavirus (HPV) iyâ arèya infeksi sè ngallè ḍâri seksual (IMS) otaba infèksi menular seksual. Pan-brâmpan macem papilomavirus bisa dhâddhi kotèl, jhughân bisa dhâddhi infèksi sè asâbbâbaghi kalowarra lesi. Sakabbhina HPV è tranmisiyyaghi lèbât hubungan kolè' ka kolè'. Panolarra bisa lèbât hubungan seksual. Bânnya' tipe ḍâri virus arèya tapè sè lebbi bahaya iyâ arèya tipè 16 bân 18.[2]
Bârâmma panolarra HPV?
[beccè' | beccè' sombher]Sapa bhâi bisa è capo' HPV lèbât hubungan seks vagina, anal, otabâ oral kalabân orèng sè lakar anḍi' otabâ è capo' virus kasebbhut. Panyakè' arèya palèng serrèng nyebbar salama hubungan seks otabâ anal. Panyakè' arèya nyebbar lèbât seddhingânna kolè' sè prappa'enna ahubungan seks. Orèng sè è capo' HPV bisa nolarraghi infeksina ka orèng laèn maskè taḍâ' tandhâ otabâ gejala.[3]
Lamon orèng malolo aktif ahubungan seksual, maka orèng rowa bisa è capo' HPV kèya, maskè karo ahubungan seks kalabân sèttong orèng. Orèng rowa paḍâ anḍi' gejala aon-taon samarèna ahubungan seks kalabân orèng sè anḍi' infeksi kasebbhut. Arèya malarat è kataowè bilâ orèng è capo' ḍâ'-aḍâ'na.[4]
Apa HPV bisa nyebbâbpaghi kanker?
[beccè' | beccè' sombher]HPV aropa'aghi agen otama ḍâri panyakè' kanker serviks bân kanker penis sè kaduwâna agabung ḍâlem panyakè' sè ngallè seksual otabâ infeksi sè ngallè seksual abhâreng panyakè' seksual laènna kanta HIV.[5]
Sombher
[beccè' | beccè' sombher]- ↑ "HPV (Human Papillomavirus) - Penyebab, Gejala & Pengobatan"-Siloam Hospitals,Taon terbi' 09-oktober-2023, Aksès 2024-03-03.
- ↑ "HPV (Human Papillomavirus) - Penyebab, Gejala & Pengobatan"-Siloam Hospitals,Taon terbi' 0-oktober-2023,Aksès 2024-03-03.
- ↑ "Fakta PMS - Human Papilomavirus (HPV)"- Center Of Disease Control and Prenvention, Aksès 2024-03-03.
- ↑ "Fakta PMS - Human Papilomavirus (HPV)"- Center Of Disease Control and Prenvention, Aksès 2024-03-03.
- ↑ "Meningkatnya Tantangan Kanker tidak Terdefinisi AIDS"- National Intitutes of Health (NIH), Taon terbi' tangghâl 1-November-2012, Aksès 2024-03-03.