Rust (lenguagg de programazzion)
|
Quest articol chì l'è scrivud in lombard, con la Noeuva Ortografia Lombarda |
El Rust a l'è un lenguagg de programazzion compilad multi-paradigma per us general desvilupad de la Mozilla Research, in collaborazzion con la comunità open source. El voeul vesser un lenguagg che 'l fonziona ben, segur e bon anca per desvilupà software in manera concorrenta.
Nonziad in del 2010, el so compilator l'è stad bon de compilàss deperlu in del 2011 e l'è stad dad foeura in del 2012. El dopera 'me back-end LLVM. La prima version stabil l'è vegnuda foeura in del 2015. A l'è 'n lenguagg che ghe pias assee ai programator, tant che l'è stad el lenguagg che ghe voeulen pussee ben i programator de Stack Overflow per set agn de fila del 2016.
El gh'ha una sintassi ispirada a quella del lenguagg C, ma cont anca di element inovativ e una semantega propi diferenta. El ciapa di robe anca de lenguagg compagn de l'Haskell.
El po vesser doperad per una mota de robe: aplicazzion web, server, desvilup de videosgioeugh, sistema operativ e so component e anca desvilup embedded.
Ligam de foeura
[Modifega | modifica 'l sorgent]Alter proget
[Modifega | modifica 'l sorgent]Wikimedia Commons el gh'ha dent imagin o alter archivi su Rust (lenguagg de programazzion)
