Pravda vítězí

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos. Per avè on'ideja di alter vos senza font, vardee chichinscì.

Pravda vítězí (la verità la vincc, Pravda víťazí in slovacch, Veritas vincit in latin) a l'è el motto de la Cechia e, prima, de la Cecoslovacchia. Retegnuu on simbol costituzional, l'è mittuu in del Stendard del President de la Cechia. El derivaria de la fras del religios boemm Jan Hus "Cerca la verità, scolta la verità, imprend la verità, ama la verità, dis la verità, tegn la verità e defend la verità finna a la mort" e 'l primm President de la Cecoslovacchia Tomáš Garrigue Masaryk l'ha scernuu la version brev "la verità la vincc" 'me motto pocch dopo de la secession de l'Austria-Ongaria. Dal 1990 al 1992 a l'è stada doperada la version latina dopo di compromess linguistich faa in tra i Cecch e i Slovacch. In del 1993 el President Václav Havel l'ha renoeuvaa el motto cont la fras "Verità e amor gh'han de prevarì in su la bosia e l'oeudi" (Pravda a láska musí zvítězit nad lží a nenávistí). Giamò el moviment revoluzionari Charta 77 el gh'aveva 'me motto "La verità la prevar per quej che viven in la verità".