Gerhard Berger

Quella vus chi la gh'ha minga di funt u hin trop poch. Per piesé, giunta di funt a la vus. Insì de vegh un'idea de tücc i olter vus senza font, vardii chì.

Gerhard Berger
Berger a la McLaren nel 1991
Nazionalitaa	Austria
Automobilism
Categoria	Formula 1
Ritirad	26 utuber 1997
Cariera
Cariera in Formula 1 Debut 19 agost 1984 Stajon 1984-1997 Scuderie  ATS 1984  Arrows 1985  Benetton 1986, 1996-1997  Ferrari 1987-1989, 1993-1995  McLaren 1990-1992 Meior resultad final 3° (1988, 1994) GP desbœtads 210 GP vencids 10 Podi 48 Ponts otegnids 385 Pole position 12 Jir velox 21
Statistege ajornade al Gran Premi d'Europa 1997

El Gerhard Berger (Wörgl, el 27 de agost del 1959), l'è un ex pilota de Formula 1 austriech. L'ha curüü quatordes agn in de la Formula 1, dal 1984 al 1997.

Dopu i prem dü agn a la ATS e a la Arrows, Berger el firma un cuntratt cun la Benetton per la stagion 1986. Cun la scüderia italiana, Berger el cunquista el prem podi ind el Gran Premi de San Marin e la prima vitoria ind el Gran Premi del Messich. L'ann dopu el pasa a la Ferrari, indué el corr cunt el Michele Alboreto. I prestazion de la F1-87 i eren anca bon, ma la machina l'era mia tant afidabel e i dü piloti i se ritiren de spess. Vers la fin de la stagion, però, el Berger el ghe riess a vinc dü volt, in di ültem dü Gran Premi. Inscè el rüva quint in del Campiunaa del Mund Piloti.

La stagion 1988 l'è segnata dal dumini de la McLaren MP4/4, che cun l'Ayrton Senna e l'Alain Prost la vinc 15 Gran Premi sö 16. Berger, cunt una buna machina, el rüva terz in del Campiunaa Piloti e 'l vinc ind el Gran Premi d'Italia. In de la stagion 1989 Berger el vinc amò un Gran Premi, quel del Purtugall.

Nel 1990 Berger el pasa a la McLaren cun Ayrton Senna, perché Prost a l'era pasaa a la Ferrari. Cun tanti podi e la vitoria al Gran Premi del Giapun 1991, l'austriech el vüta Senna e la McLaren a vinc dü Campiunaa del mund Piloti e Custrutur nel 1990 e nel 1991. Nel 1993 el turna a la Ferrari, induè el resta tri agn. El vinc amò un Gran Premi, in Germania nel 1994, e semper nel 1994 el rüva terz in del Campiunaa Piloti de drè a Michael Schumacher e Damon Hill. Berger pasa i ültem dü agn de cariera a la Benetton, nel 1996 e nel 1997, semper cun Jean Alesi.